Matius 27:4 - Alkitab Duri

⁴ Nakua, “Sala tonggomo', nasaba' aku'mora napusaba' naladibuno to totangkasalan.” Apa mebalii tuu lako tau nakua, “Tangngia kami' issenki' tuu. Iko ikona.”

Matius 27:4 ပူးပေါင်းရင်းမြစ်များ

Kada Bulawan 12:8

Samelo-melona pangpikkirisanna to tau, sadipuji-pujinna, apa tangdiangga' to tau ke majekkongngi.

Yunus 1:14

Iamo joo namassambajang lako PUANG Allataala nakua, “Oo PUANG, meta'dakan danggi' Tapasalakan ke kibuangngi tee tau do' tasik to te'da nakasalan lako kami'. Oo PUANG, pakkaeloran-Ta'mo to jaji.”

Matius 27:19

Ia tonna cumadokkomo Gubernur Pilatus ntangngahhi tee kara-kara, ratumi to pepasan jio mai bainena kumua, “Danggi' mpentamaii urusanna tee mai tonnewai tuu tau te'da kasalanna, nasaba' kupangtindoan joo tau te'da kasalanna na liwa' melajatan.”

Matius 27:54

Ia to komandan surudadu sola solana to nnampai Puang Isa, silajatan tonganni tonna sa'dingngi to nino sola nakitai to apa jaji, namangkada nakua, “Tonganna, Ia tee tau Anak Allataala.”

Lukas 23:22

Mangpentallunnami Gubernur Pilatus mekutana nakua, “Kasalan apara to mangka napugauk? Moi mesa' kasalan te'da kuampa' to sipato'na dinii la mbunoi! La kurambii, kumane' lla'paranni.”

Lukas 23:41

Ia mandari ia to kaladibunoanta' sola dua nang siangga' kita' panggaukanta'. Apa Ia tee tau, te'da lalo napugauk kasalan!”

Lukas 23:47

Ia tonna kitami komandan surudadu apa joo mangka jaji, mpakala'bihmi Puang Allataala, anna mangkada nakua, “Tonganna, te'da Ia nakasalan!”

Yahya 19:7

Nakua to to-Yahudi mebali, “Situru' atoranki', la dibuno Ia, nasaba' ssanga kalena Anak Allataala.”

Jamanna Rasulu' 13:28

Moi nate'da naampa'i to sipato'na la dinii mbunoi, apa napeta'dai lako Pilatus anna dibuno.

Roma 3:19

Taissenmo kumua ia to atoran agama dipatuju lako to tomangka diben joo atoran. Iamo joo na te'damo tau wa'ding mpangngewan kalena, apa Puang Allataala la mbenni assele' panggaukanna to sininna tolino.

1 Timotius 4:2

Ia joo pangngajaran napangpangngajaran tomajekkong sola tomangnguraga, to nnissen umbonna to melo ba'tu gaja', apa te'da napugaukki.

Titus 1:16

Mangngakui kumua nnissen Puang Allataala, apa sitonganna diissen kumua mangnguragai nasaba' te'da naturu' pakkaeloran-Na Puang. Meko'dosan na cia'i nturu' Puang. Te'da bang nakullei mpugaukki to disanga melo.

Ibrani 7:26

Jaji, iamo Imang Lompo taparallui to Puang Isa. Tomelo Ia, te'da sala-Na ba'tu kakurangan-Na. Todipatorro leko' jio mai tomadosa, na dipaendek de' la'bih majaona na ia to langi'.

1 Petrus 1:19

apa liwa' keangga'na. Iamo to rara-Na Almaseh dipake butung bembala' te'da caccana ba'tu kakuranganna dipangkaroban lako Puang Allataala.

1 Yahya 3:12

Te'da tawa'ding susi Kain nturu' pakkaeloranna Ballisi' arannai mbuno Habel adinna. Ciapari nabunoi Kain to adinna? Nasaba' meloi to panggaukanna adinna, na gaja' ia to panggaukanna Kain.

Pengkitanna Yahya 11:10

Masannangngi mangmaroah-roah siben-ben paraseng, nasaba' mangkamo mate joo dua sa'bi to mangkamo mparatu buda pangsessa lako sininna tau lan lino.