Matius 27:3 - Alkitab Duri

³ Ia tonna kitami Yudas to Puang Isa kumua dibicarami nadira'tahmo la dibuno, menassanmi, napapolei to doi' tallung pulo pera' lako kapala imang sola pekaamberan to-Yahudi.

Matius 27:3 ပူးပေါင်းရင်းမြစ်များ

Yahya 13:2

Ia tonna bongi nakumande Puang Isa sola anak gurun-Na, na ia to Ballisi' mangkai ssede Yudas anakkana Simon Iskariot anna la mpangpejokkoan Puang Isa.

Yahya 13:27

Ia tonna mangka Yudas nnalai joo roti, natamaimi Ballisi'. Nakuamo Puang Isa ngkuanni, “Apa mukadoangngi mupugauk, pugaukmi madoi'!”

Yahya 18:3

Iamo joo, namale Yudas lako ntuu jio ssolan surudadu to-Roma sola ba'tu pira-pira pangjagana Bola Puang Allataala, to nasua kapala imang na to-Farisi. Mbawai pangbuno sola palita na sulo.

Jamanna Rasulu' 1:18

(Mangkamo ia nnalli padang, mpake doi' tanghallala' jio mai panggaukan gaja'na anna tipalumbang natiba'tu to ba'tangna anna tilalu ngasan lan mai to tambukkuna.

2 Korintus 7:10

Ia to kamassean, to naperasai tau situru' pakkaeloran-Na Puang Allataala, mpabalik penawa. Na ia ke balikmi to penawa, te'damo tau mpenassannii, nasaba' la nnampa' kasalamatan. Sibalikanna ia to kamassean, to naperasai tolino to tangnturu' Puang, te'da na mpabalik penawa, apa mpadenri kamatean.