Matius 26:61 - Alkitab Duri

⁶¹ Namangkada nakua, “Ia tee tau den namangkada kumua, ‘Wa'dingna' rro'pokan Bola Puang Allataala, na tallung allora kunii mpake'deh pole'i.’ ”

Matius 26:61 ပူးပေါင်းရင်းမြစ်များ

Matius 12:24

Ia tonna sa'dingngi to-Farisi susi joo mangkadami nakua, “Kuasanna Beelzebul, iamo to puanggawana setang, napake nnula'i setang.”

Matius 26:62

Ke'dehmi joo Imang Lompo namangkada lako Puang Isa nakua, “Te'daraka mulampebalii to diparapasanko?”

Matius 26:71

Malemi Petrus lako babangan. Den omi mesa' kaunan baine laen ngkita Petrus, nakuanni to tau ntuu jio nakua, “Ia toda tee tau sibawanna nena' joo Puang Isa to-Nazaret.”

Matius 27:40

nakua, “Ee, Ikomo to la rro'pokan Bola Puang Allataala, na tallung allora la munii ngkabua' pole'i! Ia ke tongannako Anak Allataala, pasalama'ko kalemu ammumellao jao mai ntuu kaju sitamben.”

Matius 27:5

Napessamboranni joo doi' pera' tama Bola Puang Allataala, namale ntoke' kalena.

Markus 14:58

“Denmo kisa'dingngi tee tau nakua, ‘La kuro'pokan tee Bola Puang Allataala pangkabua' tolino, na tallung allora kunii mpake'dehhi to laenna, to tangngia pangkabua' tolino.’ ”

Markus 15:29

Ia to tau liu lalan ntuu jio, pada mangroge kollong ncapa'-capa' Puang Isa nakua, “Ee, Ikomo to la rro'pokan Bola Puang Allataala, na tallung allora la munii ngkabua' pole'i!

Lukas 23:2

Ntuu jio nanii mparapa'i. Nakua mangkada, “Kiampa'i tee tau mpatuju sala bangsata'. Nnajahhi tau cia' mbajah sima lako Tomaraja Roma, nasaba' nakua, iamo Raja Mangpasalama', battuananna nakua kumua iamo Rajaki'.”

Yahya 9:29

Kiissen kumua mangkamo Puang Allataala mangkada lako Nabi Musa tonna anu', apa ia joo tau, te'da kami' kiissenni kumua topole umbora ia.”

Jamanna Rasulu' 17:18

Sihakiki tooi sola guru to nturu' pangngajaranna Epikuros na Stoa. Denni to mangkada nakua, “Apara la naissen tee tau! Sangkanuku malotongra to paissenna, apa buda kadari!” Ba'tu pira-pira tolaen nakua, “Susi ia to mpangpeissenan dewata jio mai tondok laen.” Ia namangkada susi joo, nasaba' ia to Puang Isa na katuoanna pole' tolino jio mai kamatean napangpeissenan Paulus.

Jamanna Rasulu' 18:13

Naparapa'i nakua, “Tabe' kita', ia tee tau male bang nnajahhi tobuda nakua nassompa Puang Allataala to tangsituru' atoranna Nabi Musa!”

Jamanna Rasulu' 22:22

Napatarruh bang unapa tobuda mpesa'dingngi Paulus mangkada, apa ia tonna la tampakkanamo joo kada metamba-tambami tobuda nakua, “Bunoi bangmi, te'da ia nasipato' tuo to tau susi tuu!”