Matius 26:3 - Alkitab Duri

³ Ia joo wattu ia to kapala imang sola pekaamberan to-Yahudi sirempun jio salassa' Imang Lompo to disanga Kayafas.

Matius 26:3 ပူးပေါင်းရင်းမြစ်များ

Matius 26:69

Ia to Petrus cadokkoi jio salean jio rante bola. Den mesa' baine kaunan ratu ngkandoppi'i nakuanni, “Tangngiko todaraka sibawanna joo Puang Isa to-Galilea?”

Matius 27:27

Nabawami surudadunna Gubernur Pilatus to Puang Isa tama salassa' gubernur, namane' ntambai ngasanni to solana anna talimbungngi.

Markus 14:54

Naturu'i mambela-bela bangngi Petrus to Puang Isa, ratu lako rante bolana Imang Lompo. Ntuu jio nanii Petrus cumadokko sola pangjaga mendarang.

Markus 14:66

Jio bang unapa rante bola to Petrus, naratu ntuu jio mesa' baine kaunanna Imang Lompo.

Markus 15:16

Nabawami surudadu to Puang Isa lako to dinii rra'tah kara-kara, lan salassa' gubernur, namane' ntambai ngasanni to solana anna sirempun.

Lukas 22:55

Ia tonna dipadukkumo to api dipendarang jio tangnga rante bola, malemi Petrus cumadokko sola to tontalimbungngi.

Lukas 3:2

Ia to menjaji Imang Lompo, Hanas na Kayafas. Ia joo wattu naparatui Puang Allataala to kadan-Na lako Nabi Yahya anakkana Zakharia jio padang pallawangan.

Yahya 11:57

Ia to kapala imang sola to-Farisi, mangkamo mpau parenta kumua, “Ia to tonnissenni to nanii torro Puang Isa, la napau nadijokko.”

Yahya 18:24

Napangpesuanni Hanas anna ia to Puang Isa to dipumpung unapa dipangngolo lako Kayafas to Imang Lompo joo taun.

Yahya 18:28

Melambi' unapa nasolanni to Puang Isa jio mai bolana Imang Lompo Kayafas, male lako salassa' gubernur to dinii mangra'tah kara-kara. Apa te'da namentama salassa' gubernur to pekaamberan to-Yahudi, dikua danggi' nacarepa situru' atoran agama, nawa'ding kumande kande Paskah.