Matius 26:13 - Alkitab Duri

¹³ La miingaran tee kadang-Ku' kumua, umbo-umbo dinii lan tee lino mpangpeissenan Kareba Kasalamatan, tuli la dicurita todai to apa napugauk, dinii nningaranni!”

Matius 26:13 ပူးပေါင်းရင်းမြစ်များ

Matius 24:14

Na ia to Kareba Kasalamatan kumua la ratumi Puang Allataala mangparenta susi Raja la dipangpeissenan lan lili'na lino, dikua nasa'dingngi sininna bangsa. Ianna mangka joo, mane'ri Kiama' lino.”

Matius 28:19

Iamo joo malemo kamu' lako sininna bangsa lan lino, mipupenjajii taung-Ku'. Jio'i mpau sangan-Na Ambe', Anak na Roh Allataala.

Markus 13:10

La dipangpeissenan ia jolo' lako sininna bangsa to Kareba Kasalamatan namane' Kiama' lino.

Markus 14:9

La miingaran tee kadang-Ku' kumua, umbo-umbo dinii lan tee lino mpangpeissenan Kareba Kasalamatan, tuli la dicurita todai to apa napugauk joo baine, dinii nningaranni!”

Markus 16:15

Anna kuanni nakua, “Malemo kamu' lako a'pa' sulapa'na lino, mpangpeissenanni to Kareba Kasalamatan jio mai Puang Allataala lako sininna rupa tau.

Lukas 24:47

Den too diuki' kumua la dipangpeissenan joo Kareba, mpake sangan-Na Almaseh, lako sininna bangsa lan lino anna mengkatoba' jio mai dosana, nadampanganni Puang Allataala. Na ia joo Kareba dipangpeissenan mangpamula jio mai kota Yerusalem.

Jamanna Rasulu' 10:4

Malanjang Kornelius tonna kitai joo malaeka' nakua, “Ie', apara kita' Puang?” Mebalii nakua, “Natarimamo Puang Allataala to passambajangmu sola kamalaboranmu.

Roma 10:18

Apa mekutanana': Te'daparaka ia nasa'dingngi to-Israel joo kareba? Tantu nasa'dingmo, nasaba' den diuki' lan Sura' Allataala kumua, “Nasa'dingmo sininna tolino to gamaranna. Ia to karebanna ratumi lako randan langi'.”

Roma 15:19

Nabenna' Almaseh kuasan-Na Roh Allataala mpugauk panggaukan mejangngaran to tangnadete' akkalan. Susimi joo kupangpeissenanmi to Kareba Kasalamatan, karebanna Almaseh, lako sininna tau, mammula jio mai kota Yerusalem ratu lako tana Ilirikum.

2 Korintus 10:18

Nasaba' ia to tompuji kalena, te'da naissenni kumua la natarimaraka Puang Allataala. Iara to tonapuji Puang Allataala nnissenni kumua natarimai Puang Allataala.

Kolose 1:23

Apa la tatta' kamu' matappa', danggi' nasitawa-tawa to penawammi. La mirannuan tarruhhi to Puang Allataala kumua la napugaukki to apa nabassean kamu' lan Kareba Kasalamatan to mangka misa'ding. Ia joo Kareba dipangpeissenanmo lako issinna lino. Na ia tee aku' Paulus menjajimo' tompangpeissenanni.

Kolose 1:6

to nasa'dingmo tau lan lili'na lino, na mpaden barakka' lako tau. Susi toomo kamu' nabarakka'i sipamulanna misa'ding, ammiperasai tonganni to kameloan penawan-Na Puang Allataala.

1 Timotius 2:6

to mangka mpangben kalena dipampang la lla'bak ngasan tolino jio mai kuasa dosa. Susimi joo to wattu pura napattantu napabuttii Puang Allataala kumua madoangngi mpasalama' ngasan tau.

Ibrani 6:10

Te'da natangmaruruh to Puang Allataala. Te'da natangnningaranni to apa mipugauk, iamo to pangpakamoja'mi to mipangpekitan lako kale-Na tommitulung padammi tomatappa', la jolona, la ia too allo.

Pengkitanna Yahya 14:6

Ngkitana' mesa' malaeka' laen mentia' liwa' tande. Nabawai to Kareba Kasalamatan to te'da cappa'na la dipangpeissenan lako tolino, iamo to sininna rapu tau, tondok, basa na bangsa.