Matius 25:2 - Alkitab Duri

² Lima ana'dara bango', na lima ana'dara macca.

Matius 25:2 ပူးပေါင်းရင်းမြစ်များ

Matius 10:16

Nakuan pole' omi Puang Isa to anak gurun-Na, “Pesa'dingngii! Kusua kamu' male susi bembala' mentama tangnga serigala. Iamo joo la macca kamu' mbawa kalemi, mimaruruh.

Matius 24:45

Mangkadami Puang Isa nakua, “Susinna ke den kaunan melo to wa'ding dikatappa'i, iamo la naben kuasa puangna ngkapalai kaunan laenna, nabenni kande ke wattu kakumandeanmi.

Matius 25:3

Ia to lima bango', mbawai palita, apa ci'di'ra minynyakkana.

Matius 25:4

Na ia to lima macca, buda ia minynyak nabawa.

Matius 25:9

Mebalimi tuu lako ana'dara macca nakua, ‘Te'da kilampangbenni, nasaba' te'da dau naganna' kipake. Male kamu' nnallii.’

1 Yahya 2:19

Ia to tonnewa Almaseh solata' jolona, apa sitonganna tangngia solata'. Ia ke solata'i, tantu torro unapi ssolanki'. Apa messarakki jio mai kita', anna manassa kumua moi mesa' jio mai tuu lako tau tangngia solata'.

Yudas 1:5

Madoangra' mpangngingaran kamu', moi miissen ngasanmo tee, kumua nasessa Puang Allataala to tompugauk kagajatan. Ia tonna anu' napasalama' Puang Allataala to to-Yahudi jio mai tana Mesir. Apa undinna den to tau cia' matappa' anna rabunnii Puang Allataala jio padang pallawangan.