Matius 24:9 - Alkitab Duri

⁹ Ia joo wattu la dijokko kamu' midisessa ammidibuno. La nakaba'ci kamu' sininna bangsa, nasaba' mituru'na'.

Matius 24:9 ပူးပေါင်းရင်းမြစ်များ

Kada Bulawan 29:27

Nakaba'ci tomakassing to tomajekkong, na nakaba'ci togaja' to tomaruruh lalan katuoanna.

Daniel 11:33

Den tau to nnampui kamaccan la mpangpangngajaran kameloan na buda tau mapahang, apa te'da namasain. Ba'tu pira-pira joo tomacca la dipatei lan kapararian ba'tu nakande api na den too to dirampo' na ditarungku.

Matius 22:6

Na den too to kannori njokkoi joo kaunan, napa'dikki, namane' mbunoi.

Matius 23:34

Pesa'dingngii! La kuparatuan kamu' tomapahang, nabi na guru, denni to la mibuno, na den tooi to la mipampang. Denni to la mirambi lan bola passambajangan, na den tooi to la miula' tarruh-tarruh jio mai mesa' kota lako kota laen.

Lukas 11:49

Iamo joo napattantui Puang Allataala kumua, ‘La kuparatuanni nabi sola rasulu', denni to la nabuno, na den tooi to la nasessa.’

Lukas 21:12

Ianna te'dapa najaji ngasan joo, la dijokko kamu' ammidipakario-rio. La dira'tah kara-karami jio bola passambajangan, ammidipatama pangtarungkuan. La dipangngolo kamu' lako raja sola tomangparenta, nasaba' mikatappa'ina'.

Yahya 15:18

Mangngajahhimi Puang Isa nakua, “Ia ke nakaba'ci kamu' totangmatappa', ingaranni kumua la'bih jolona' nakaba'ci na kamu'.

Yahya 15:21

Na la nasessa kamu', sanga mituru'na' na te'da too naissenni to Ambe' to ssuana'.

Yahya 16:2

La diula'i kamu' lan mai bola passambajangan. La den too ia wattunna, na ia to tombuno kamu' nasangai kumua mpugaukki kameloan lako Puang Allataala.

Jamanna Rasulu' 28:22

Apa madoangkan ssa'dingngi to pangngajaran muturu', sanga kisa'ding kumua umbo-umbo nanii, nacacca tau.”

Jamanna Rasulu' 7:59

Da'tan bang unapi dirura batu to Stefanus, namassambajang nakua, “Oo Puang Isa, tarimai to sunga'ku'!”

1 Petrus 4:16

Ia ke maparri' kamu' sanga Tosarani kamu', danggi' mipumasiri'i, apa sibalikanna la mpakala'bih kamu' Puang Allataala, nasaba' tonturu'mo kamu' Almaseh.

Pengkitanna Yahya 2:10

Apa danggi' mimalaja' to kamaparrisan to la mioloi. Matappa' kamu', sanga sitonganna den ba'tu pira-pira tau lan tangnga-tangngami la napembuangan Ballisi' tama pangtarungkuan, napengkulle-kullei mpalao sala kamu' nate'damo mimatappa'. La mperasai kamu' pa'dik sangpulo allona. Apa la matappa' kamu' lako Aku' ratu lako matemi na la kuben kamu' pahala, iamo to katuoan melo te'da cappa'na.

Pengkitanna Yahya 2:13

Kuissen to minii mari'pih, iamo to nanii mangparenta Ballisi'. Matappa' tonganmo kamu' lako Aku'. Susinna tonna dibuno tomatappa'-Ku' Antipas jio olomi to nanii Ballisi' torro, anna te'da mipessakkannina' kumua tangngiana' Puangmi.

Pengkitanna Yahya 7:14

Kupebalii kukua, “Ie', te'da kita' kuissenni. Kita'ra la'bih nnissenni.” Nakuamo joo tomatua-tua ngkuanna', “Iamo tee mai to tosalama' jio mai pangsessa gaja parri'. Mangkami ssassa' pakean malandona mpake rarana Anak Bembala' namabusamo.