Matius 24:5 - Alkitab Duri

⁵ Nasaba' buda tau la ratu mpusanga sangang-Ku' nakua, ‘Aku'mo Raja Mangpasalama'!’ na buda tau la napalao sala.

Matius 24:5 ပူးပေါင်းရင်းမြစ်များ

Matius 24:11

Buda nabi tangtongan la ratu mpalao sala buda tau.

Matius 24:24

Nasaba' buda nabi tangtongan sola tossanga kalena tomangpasalama' la mpangpekitan kalena. La mpugauk mangrupa-rupa tanda mejangngaran sola panggaukan mekalajatan, la mpalao sala tau, na ke wa'dingngi moi too umma'-Na Puang Allataala.

Yahya 5:43

Ratuna' napakuasa Ambe'-Ku', apa cia' kamu' ntarimana'. Apa mitarima ke den tau laen ratu mpukuasa kuasanna.

Yahya 8:24

Iamo joo kukuan kamu' kumua, la mate tangdidampangan kamu'. Na la mate tangdidampangan kamu', nasaba' te'da mikatappa'i to kadang-Ku' mpamanassai kumua, ‘Aku'mo to disanga DENNA'.’ ”

Yahya 8:28

Iamo joo nakua pole' Puang Isa ngkuanni, “Ia ke mipampangmo' jao kaju sitamben tee Aku', Anak Mentolino, mane'ra kamu' nnissenni kumua, Aku'mo tee to disanga ‘DENNA'’. Mane' toori miissen kumua, te'da kupugaukki to apa situru' pakkaeloran-Ku', apa ia manda to naajaranna' Ambe'-Ku'.

1 Yahya 2:18

Ee, tokupuanak! La Kiama'mi lino. Mangkamo kamu' dipauan kumua la ratumi to tonnewa Almaseh, na budamo to mpapajan kalena tee too. Iamo tandana kumua la Kiama'mi lino.

1 Yahya 2:22

Indara topangnguraga? Ia to tokumua tangngia Raja Mangpasalama' to Puang Isa, to nasua Ambe', Puang Allataala. Ia to tokumua susi joo, tonnewa ia Almaseh, nasaba' te'da natarimai to Ambe' sola Anak.

1 Yahya 4:3

Apa ia to totangnnakuii to Puang Isa susi joo, iamo totangnnampui Roh Allataala. Ia joo tau nnampui roh jio mai to tonnewa Almaseh. Misa'dingmo kumua la ratu joo roh, nadenmo lan lino tee too.

Pengkitanna Yahya 13:8

La nasompa sininna to totuo lan lino, saliwanna to tomangkamo diuki' sanganna lan Sura' Katuoan tonna te'dapa nadipaden tee lino. Ia to Sura' Katuoan, sura'-Na Anak Bembala' to mangkamo digere'.