Matius 24:30 - Alkitab Duri

³⁰ Ia ke mangkai joo, pajanmi jao langi' to tanda karatuan-Ku' tee Aku', Anak Mentolino. Ia joo wattu sininna bangsa lan lino la sikarrakan ngkitana' ratu jao mai langi' lan saleu', makuasa na mala'bih too susi Raja.

Matius 24:30 ပူးပေါင်းရင်းမြစ်များ

Daniel 7:13

Kukita tarruh lan tindoku' joo bongi, na den kukita susi Anak Mentolino ratu jao mai langi' nabombonni saleu', nadisolan male mangngolo lako Puang to tuo te'da anggena.

Matius 24:3

Mangkai joo too, malemi Puang Isa de' buntu Zaitun nacumadokko jao. Ratumi to anak gurun-Na la ssipangkadan mesai nakua, “Oo Guru, pauankan, piranra nalajaji joo? Na apara tandana ke la ratu pole'miki' na la Kiama'mo lino?”

Matius 24:37

Ia ke wattunnamo' ratu pole' tee Aku', Anak Mentolino, la susi tonna linona Nabi Nuh tonna anu'.

Matius 24:39

Ia tonna mangngolamo to wai saba' la ssamboi ngasanni, mane'ri sabakan ngkitai apa to jaji. Susi toomi to la jaji ke ratu pole'na' tee Aku', Anak Mentolino.

Matius 26:64

Mebalimi Puang Isa nakua, “Ie', susi tuu tapaunna, Aku'mo. Katappa'i kumua, mammula tee wattu, la mikitana' tee Aku', Anak Mentolino, cumadokko jio sa'de kanan-Na Puang Allataala to makuasa, na la ratuna' jao mai langi' lan saleu'!”

Markus 13:26

Ia joo wattu, la nakitana' tau tee Aku', Anak Mentolino, ratu jao mai langi' lan saleu', makuasana' kumala'bih too susi Raja.

Markus 13:4

Namekutana nakua, “Oo Guru, pauankan, piranra nalajaji joo? Na apara tandana, ke nadete'mi wattunna?”

Lukas 21:27

Ia joo wattu, la nakitana' tau tee Aku', Anak Mentolino, ratu jao mai langi' lan saleu', makuasana' kumala'bih too susi Raja.

Lukas 22:69

Apa mammula tee wattu, ia tee Aku' Anak Mentolino la cumadokko jio sa'de kanan-Na Puang Allataala to makuasa.”

Jamanna Rasulu' 1:11

nakuanni, “Ee, kamu' to-Galilea, mangngapa kamu' sijenjenan bang ntuu mentingngara de' langi'? Ia to Puang Isa mikita tiangka' lan mai tangnga-tangngami de' suruga, la ratu unapa susi bang una to mikita nena'.”

2 Tesalonika 1:7

Na lako kamu' tomapa'dik susi toomi kami', la naben Puang Allataala kamasannangan ke ratu pole'i to Puang Isa mellao jao mai suruga mpangpekitan kalena sola buda malaeka'-Na to napakuasa,

Pengkitanna Yahya 1:7

Kitai, la ratumi natalimbung saleu'. La nakitai sininna bangsa lan lino, nasikarrakan, moi to tomangka ndokeii. Nang tongan! Amin.

Pengkitanna Yahya 12:1

Den omi tanda mejangngaran dikita jao langi' to te'da susinna. Den baine nabukku' allo na ia to ajena llese bulan. Na ia to ulunna mpumahkota sangpulo dua bintuin digaraga.