Matius 24:3 - Alkitab Duri

³ Mangkai joo too, malemi Puang Isa de' buntu Zaitun nacumadokko jao. Ratumi to anak gurun-Na la ssipangkadan mesai nakua, “Oo Guru, pauankan, piranra nalajaji joo? Na apara tandana ke la ratu pole'miki' na la Kiama'mo lino?”

Matius 24:3 ပူးပေါင်းရင်းမြစ်များ

Matius 13:36

Messarakmi Puang Isa jio mai tobuda, namale mesa sola anak gurun-Na. Ia tonna mentamamo bola, meta'dami anak gurun-Na nakua, “Oo Puang, pauankan battuananna joo pangpasusian pare-pare tuo lan tangnga pare.”

Matius 13:49

Susimi joo ke Kiama'mi lino, ia to malaeka'-Na Puang Allataala la mpilei napasisarakki to tompugauk pakkaeloran-Na Puang Allataala na ia to totangmenturu' lako Puang Allataala.

Matius 15:12

Ratumi to anak gurun-Na Puang Isa ngkutanaii nakua, “Taissenraka kumua ia to kadan-Ta' napugalli to-Farisi?”

Matius 16:27

Te'damo namasai kuratu, Aku' Anak Mentolino sola malaeka'-Ku', angkupupangngarrangngi to kamala'biran-Na Ambe'-Ku'. Ia joo wattu la kunii mbenni assele' panggaukanna to tolino.

Matius 16:28

La miingaran tee kadang-Ku' kumua, sitonganna den kamu' to ntee, te'dapa namate ke te'dapi nakitana' tee Aku', Anak Mentolino, mangparenta susi Raja!”

Matius 17:19

Ia tonna Puang Isa mandamo sola anak gurun-Na, mane'ri nakandoppi' anna mekutana nakua, “Oo Puang, ciapari na te'da kikullei nnula'ii joo setang?”

Matius 21:1

Ia tonna mandoppi'mo kota Yerusalem, ratumi lako kota Betfage jio sare Buntu Zaitun, napajolomi Puang Isa to dua anak gurun-Na,

Matius 24:27

Nasaba' ia to karatuan-Ku', tee Aku', Anak Mentolino, la susi kila' mellepa' jio mai kadellekan ratu lako kalambunan.

Matius 24:30

Ia ke mangkai joo, pajanmi jao langi' to tanda karatuan-Ku' tee Aku', Anak Mentolino. Ia joo wattu sininna bangsa lan lino la sikarrakan ngkitana' ratu jao mai langi' lan saleu', makuasa na mala'bih too susi Raja.

Matius 24:37

Ia ke wattunnamo' ratu pole' tee Aku', Anak Mentolino, la susi tonna linona Nabi Nuh tonna anu'.

Matius 24:39

Ia tonna mangngolamo to wai saba' la ssamboi ngasanni, mane'ri sabakan ngkitai apa to jaji. Susi toomi to la jaji ke ratu pole'na' tee Aku', Anak Mentolino.

Matius 24:43

Ingaranni! Ia kenna issenni ampu bola wattunna joo nanii ratu to taboko ke bongii, la te'da namamma' nnampai bolana, danggi' namentama.

Matius 28:20

Ajahhii anna pugaukki sininna to apa mangka kuparentan kamu'! Ingaranni kumua, la kusolan tarruh kamu' ratu lako tampakkana lino.”

Lukas 21:7

Mekutanami to anak gurun-Na Puang Isa nakua, “Oo Guru, piranra nalajaji joo? Na apara tandana ke nadete'mi wattunna?”

Jamanna Rasulu' 1:7

Napebalii Puang Isa nakua, “Ambe' Ia to mpattantui to wattunna na allona. Te'da naparallu miissen joo, sanga Ambe' Ia mpuissenni.

Ibrani 9:26

Sanga ia kenna la susi Imang Lompona to-Yahudi to Almaseh, la nadadu' punalai mperasai parri' kamatean mellao jio mai dipadenna tee lino. Sibalikanna pissenri mangka ratu to Almaseh tee wattu tampakkana lino mpassompan kalena la ndampangan tau.