Matius 24:10 - Alkitab Duri

¹⁰ Ia joo wattu buda tau la balik mentangmatappa', na la mpangpejokkoan solana na sikaba'ci too.

Matius 24:10 ပူးပေါင်းရင်းမြစ်များ

Matius 10:21

La nakaba'ci kamu' buda tau, nasaba' mikatappa'ina'. Na la jaji susi tee, tomassile'to mpangpebunoan sile'tona. Susi toda ambe' lako anakkana. Anak nnewa tomatuanna, napangpebunoanni. Apa ia to tomatappa' tarruh ratu lako ssalainna lino la dipasalama'.

Matius 11:6

Masannang tongan to tau tangmenassan ntarimana'.”

Matius 13:21

Apa te'da natorro tongan lan penawanna na cingga'tu'ra natangnningaranmi. Ianna ratuimi kamasussan ba'tu kadipakario-rioan, sanga ia joo kada, ta'pa balik pole'mi.

Matius 13:57

Iamo joo nacia' tuu lako tau ntarimai to Puang Isa. Nakuanni Puang Isa, “Ia to nabi dikasiri' ia umbo-umbo nanii, apa jio kampongna ba'tu jio bolana te'da nadikasiri'.”

Matius 24:11

Buda nabi tangtongan la ratu mpalao sala buda tau.

Markus 13:12

La nakaba'ci kamu' buda tau, nasaba' mikatappa'ina'. Na la jaji susi joo, tomassile'to mpangpebunoan sile'tona. Susi too ambe' lako anakkana. Anak nnewa tomatuanna, napangpebunoanni. Apa ia to tomatappa' tarruh ratu lako ssalainna lino, la dipasalama'.”

Markus 4:17

Apa te'da natorro tongan lan penawanna na cingga'tu'ra natangnningaranmi. Ianna ratuimi kamasussan ba'tu dipakario-rioi, sanga ia joo kadan-Na Puang Allataala, ta'pa balik pole'mi.

Lukas 21:16

La nakaba'ci kamu' buda tau, nasaba' mikatappa'ina'. Moi tomatuammi kalena, sile'tomi, rapummi na sisoba'mi la mpangpejokkoan kamu'. Den too kamu' ba'tu pira-pira to la nabuno tomangparenta.

2 Timotius 1:15

Muissen, kumua te'damo napuinawana' to solata' jio tana Asia, moi Figelus sola Hermogenes.

2 Timotius 4:10

Nasalaimo' Demas, nasaba' la'bih nakabudaimo ia tee lino, na male lako kota Tesalonika. Male toomi Kreskes lako tana Galatia na Titus lako tana Dalmatia.

2 Timotius 4:16

Ia tongkubungah dipangngolo mpangkadanan kaleku' jio olona tomangra'tah kara-kara, te'da bang moi mesa' tau kusolan, nasalai ngasanmo'. Apa dennaa upa' nadanggi' napasalai Puang Allataala.