Matius 23:8 - Alkitab Duri

⁸ Danggi' mimadoang disanga ‘Guru’, nasaba' tosile'to ngasan kamu' na mesa'ra Gurummi.

Matius 23:8 ပူးပေါင်းရင်းမြစ်များ

Matius 10:25

Ganna'mi ke passikola pada gurunna, na kaunan pada puangna. Ia ke nasangana' tau Beelzebul, puanggawana setang, apa pole'pi kamu' to tonturu'na' la'bih-la'bih la gaja' sangammi.”

Matius 17:5

Ia tonna mangkada unapa Petrus, ratumi to saleu' macorrang mbombonnii sola ngasan na den gamara nasa'ding lan mai nakua, “Iamo tee to Anak kupakamoja' to mpamasannangna'. Pesa'dingngii!”

Matius 23:10

Na danggi' mimadoang disanga ‘Puanggawa’, nasaba' mesa'ra to puanggawami, iamo to Almaseh.

Matius 23:7

Namadoang bang ditaratte' jio pasa', namadoang too ditambai ‘Guru’.

Matius 26:25

Mebalimi Yudas to la mpangpejokkoan Puang Isa nakua, “Oo Guru, aku'ra tuu tasanga.” Mebalimi Puang Isa nakua, “Susimi tuu kadammu.”

Matius 26:49

Ta'pa malemi Yudas lako Puang Isa namangkada nakua, “Oo Guru!”, anna udungngi.

Markus 10:51

Nakutanaimi Puang Isa nakua, “Apara to mukadoangngi la kupugauk lako kalemu?” Mebalimi nakua, “Oo Guru, madoangna' pakita.”

Markus 11:21

Naingaranmi Petrus to apa mangka jaji. Nakuamo lako Puang Isa, “Oo Guru, takitari! Ia joo garonto' kaju ara tatampakki ropu, matemi.”

Markus 14:45

Ratumi lako ntuu joo ngenan, ta'pa malemi Yudas lako Puang Isa namangkada nakua, “Oo Guru!” anna udungngi.

Markus 9:5

Nakuamo Petrus, “Oo Guru, masannangki' ntee. Melo ke ngkabua'kan tallu bola-bola, mesa' tanii, mesa' nanii Nabi Musa na mesa' nanii Nabi Elia.”

Lukas 22:32

Apa mangkamo' mpassambajanganko ammuda'tan matappa'. Na ia mumengkatoba'mo, la mupamawatang kamatapparanna to padammu tomatappa'.”

Yahya 1:38

Apa messailei Puang Isa, nakitai kumua napeundii, nakuamo ngkutanai, “Apara miangah?” Nakuamo mebali, “Rabi (battuananna Guru), umbora tanii torro?”

Yahya 1:49

Nakua pole' omo Natanael, “Oo Guru, Anak Allataalaki'. Kita'mo rajana to-Israel.”

Yahya 11:8

Mebalii to anak gurun-Na nakua, “Oo Guru, mane' mangkanna to to-Yahudi la llekko'ki'. Antalapole unapa kita' lako?”

Yahya 20:16

Mangkadai Puang Isa nakua, “Oo Maryam!” Messaile Maryam lako Puang Isa, namangkada lan basa Ibrani nakua, “Rabuni” (battuananna guru).

Yahya 3:2

Ratu bongii lako Puang Isa nakua ngkuanni, “Ee Guru! Kiissen kumua nasuaki' Puang Allataala ratu menjaji guru, nasaba' moi mesa' tau te'da ngkullei mpugauk tanda mejangngaran susi to tapugauk, ke te'da na Puang Allataala mpakuasai.”

Yahya 3:26

Malemi lako Nabi Yahya to anak gurunna ngkuanni, “Ee Guru, ia to tau tasolan jio sambali'na Sa'dan Yordan, to tapakitankan, njio' todami Ia tau tee too, namale lako ngasanmi to tau.”

Yahya 4:31

Ia joo wattu natambaimi anak gurun-Na to Puang Isa nakua, “Ee Guru, takumandemo!”

Yahya 6:25

Ia tonna ampa'mi tobuda to Puang Isa jio sambali'na tasik, mekutanami lako nakua, “Oo Guru, piranra taratu inde'?”

Yahya 9:2

Mekutanami to anak gurun-Na nakua, “Oo Guru, ciapari nabuta tee tau dijajian, iaraka madosa ba'tu tomatuannaraka mpugauk dosa?”

2 Korintus 1:24

Te'da kupassa kamu' to apa la mikatappa'i, nasaba' liwa'mo kamu' matappa' lako Almaseh. La kibalii mandamora kamu', ammila'bih masannang.

2 Korintus 4:5

Tangngia kaleki' tee kipangpekareban, apa karebanna Puang Isa Almaseh kumua Iamo Puang, na kami'mo kaunanmi situru' pakkaeloran-Na Puang Isa.

Efesus 3:15

Iara mpaden sininna apa la jao suruga, la lan lino.

Filemon 1:16

apa te'damo nalasusi bang kaunanmu, apa la susi sile'tota' to kaminang dipakamoja'. Na kupakamoja'mo, apa pole' iko. Mupakamoja'i susi kaunanmu sola sile'tomu to pada matappa'mo lako Almaseh.

Yakub 3:1

Ee, tomala'bihku'! Danggi' mimadoang ngasan bang menjaji guru jamaa. Nasaba' miissen kumua ia to kita' menjaji guru la'bih la dipemaparessaiki' na ia to tangngia guru.

1 Petrus 5:3

Danggi' miangga' susi puang kalemi mparentai to todipabarakkanan kamu', apa la manggauk melora kamu' ammimenjaji palelean mata.

Pengkitanna Yahya 1:9

Ia tee aku', Yahya, padammi tomatappa'. Dipakario-rio todana' susi kamu', sanga umma'-Na todana' Puang Allataala. Iami joo napasabbara' todana' Puang Isa susi kamu'. Dipali'na' ntee pulau Patmos, sanga mpangpeissenanna' kadan-Na Puang Allataala sola mpauna' kasa'bianku' to curitanna Puang Isa.

Pengkitanna Yahya 19:10

Suju'na' jio olona joo malaeka' la ssompai, apa napangkadaina' nakua, “Danggi'! Danggi' sompana'. Puang Allataalara musompa! Nasaba' pada todisuariki' sola to sile'tomu to nturu' pangngajaran-Na Puang Isa!” Ia joo pangngajaran-Na Puang Isa iamo mpamasumanga' nabi.

Pengkitanna Yahya 22:9

Apa napangkadaina' nakua, “Danggi'! Danggi' sompana'! Puang Allataalara musompa! Sanga pada todisuariki' sola sile'tomu nabi na sininna tonturu' pepasan lan tee sura'.”