Matius 22:8 - Alkitab Duri

⁸ Mangkai joo too nasua pole' omi to kaunan laenna nakua, ‘Sadiamo tee pangmaroasan, apa ia to tau ditambai, te'da bang nasipato' la ratu.

Matius 22:8 ပူးပေါင်းရင်းမြစ်များ

Matius 22:7

Ia tonna sa'dingmi joo raja, gaja gallimi. Nasuami to surudadunna male mbunoi to tombuno kaunanna, nasumpun tooi to kotana.

Matius 22:9

Iamo joo male kamu' mitambai ngasanni to sininna tau misitammuan lako lalan ratu ntee pangmaroasanku'.’

Matius 9:15

Napebalii Puang Isa mpake pangpasusian nakua, “Ianna botting to tau, misangaraka kumua la puasai to toratu! Ianna solapa tobotting muane, tantu te'da! Apa la den wattunna naladiala jio mai tangnga-tangngana joo tobotting muane, iamo tee Aku', mane'ri puasa to toratu, iamo tee anak gurung-Ku'.”

Lukas 20:35

apa ia to tosipato' dipatuo pole' jio mai kamatean, na tuo jio lino undi te'damo ia tokebaine-kemuane.

Lukas 21:36

Majaga kamu', mimassambajang, ammimawatang nnoloi sininna to apa la jaji, miwa'ding mangngolo lako Aku', Anak Mentolino.”

Jamanna Rasulu' 13:46

Apa kannori sabarani-raninna Paulus sola Barnabas ntarrusanni kada nakua, “Na kamu'mo to-Yahudi jolo' dipauan to kadan-Na Puang Allataala. Apa te'da mitarimai, mipattantu kamu' kumua te'da misipato' ntarima katuoan melo te'da cappa'na. Iamo joo kimale lako bangsa laen.

2 Tesalonika 1:5

Manassamo lako kita' to kamarurusan-Na Puang Allataala rra'tah kara-karana tolino. Mapa'dikmo kamu', nasaba' nturu' kamu' pakkaeloran-Na Puang Allataala, apa ia toomo joo midisanga sipato' menjaji taun-Na lan kaparentan-Na.

Pengkitanna Yahya 22:14

Masannang ia to sininna tau mangka mpemaceroi pakean malandona, nadieloran mentama joo kota nnola babangan anna wa'ding kandei to bua kaju Katuoan.

Pengkitanna Yahya 3:4

Apa ia to kamu' jamaa jio kota Sardis den unapa ba'tu pira-pira tau to melo sipa'na, to wa'ding la lumingka sola Aku' mangpakean mabusa, iamo to pakeanna tomelo penawanna, nasaba' sipato' ia.