Matius 22:5 - Alkitab Duri

⁵ Apa te'da bang mparinawai la male lako tuu lako to ditambai. Pada maleri lako pangjamanna, den to male lako bara'bah, den to male mangdangkang.

Matius 22:5 ပူးပေါင်းရင်းမြစ်များ

Kada Bulawan 1:7

Ia ke madoangki' nnampui kapaissenan, ia to kaminang parallu iamo to ngkalaja'- ngkasiri' Puang Allataala, apa ia to tobango' ncapa' kamaccan sola pangpangngajah.

Matius 13:22

Ia to banne ta'pah lan tangnga duri dipasangrapangngi to tossa'ding kadan-Na Puang Allataala, apa mpuselang bangngi katuoanna, namadoang bang too la sugih. Iamo joo nni'pinnii joo kada lan penawanna, anna te'da namembua.

Matius 22:4

Nasua pole' omi to kaunan laenna male ntambaii tuu lako tau nakua, ‘Pauanni kumua: Sadiamo to kande pangmaroasan. Mantunu sapin muane sola anak sapin to dipelompoi, na la kumande mandamo to tau. Malemo kamu' mai.’

Matius 22:6

Na den too to kannori njokkoi joo kaunan, napa'dikki, namane' mbunoi.

Yahya 2:16

Nakua ngkuanni to pangdangkang jangan-jangan, “Alai ngasanni tuu mati', danggi' mipasusii pasa' to Bola-Na Ambe'-Ku'.”

Jamanna Rasulu' 2:13

Apa den too to mpelle'ri nakua, “Aa, mipesa'dingngi ori tuu mati', na tomalango nniso' anggoro'.”

Jamanna Rasulu' 24:25

Apa mpatarruhhi kadanna Paulus nakua, “Nang la mpugaukki' kameloan, ntaloi penawa katolinoanta', nasaba' ia ke Kiama'mi lino, la dira'tah kara-karana tolino.” Ia tonna sa'dingmi joo malaja'mi Gubernur Feliks nakua, “Aa, polemoko too! Ianna den wattungku', iapa kutambai pole'ko.”

Roma 2:4

Ba'tu te'daraka miangga'i to kamamasean-Na Puang Allataala, kameloan penawan-Na na kasabbarasan-Na to napakitan kamu'? Miissen kumua madoangri Puang Allataala ke mengkatoba' kamu', iamo joo napemeloan kamu' penawa.

Roma 8:6

Ia ke nakuasaiki' kamadoangan penawanta', manassa la dipumate. Apa ia ke nakuasaiki' Roh Allataala, la nnampa'ki' kamasannangan sola katuoan melo te'da cappa'na jio mai Puang Allataala.

2 Timotius 3:4

Nakabudai mpangpejokkoan solana, samangpugaukna bang sola tossanga bang kalena. Nakabudai to mangmasannang-sannang na ia to menturu' lako Puang Allataala.

Ibrani 2:3

Apa pole'pi kita', ia ke te'da taingaran meloi joo Kareba Kasalamatan, tantu te'da talala'pah jio mai pangsessa. Sanga la'bih melo joo Kareba Kasalamatan na ia joo atoran naparatu malaeka' tonna anu'. Puang Isa Ia to bungah mpangpeissenanni, na mangkamiki' napauan tuu lako tobungah ssa'dingngi, antaissenni kumua tongan.

2 Petrus 2:3

Ia joo guru tangtongan madoang bang doi'. Iamo joo nagaraga bang curita tangtongan nacuritan kamu' la nanii mpesaroi kamu'. Apa ia to pangsessa masaimo napasadia Puang Allataala cingga'tu'mora naratu la ssolanganni.