Matius 22:3 - Alkitab Duri

³ Ia tonna la mangpabottingmo, nasuami to kaunanna male ntambaii to tomangka dipauan la ratu lako joo pangmaroasan. Apa ia joo todipauan te'da bangngi madoang ratu.

Matius 22:3 ပူးပေါင်းရင်းမြစ်များ

Matius 21:34

Ia tonna wattu peanggorosanmo, nasuami to kaunanna male la nnalanni to tawana.

Matius 23:37

Mangkadai Puang Isa nakua, “Ee, to-Yerusalem! Tombuno kamu' nabi! Mirura batui to tonasua Puang Allataala ratu lako kalemi, sanggenna mate. Ba'tu pempiranmo' madoang rrempun kamu', susi indo manuk rrempun anakkana jiong pani'na, apa te'da mimadoang!

Matius 3:2

“La mengkatoba' kamu' jio mai dosami, nasaba' cingga'tu'mora naratu Puang Allataala mangparenta susi Raja.”

Matius 9:15

Napebalii Puang Isa mpake pangpasusian nakua, “Ianna botting to tau, misangaraka kumua la puasai to toratu! Ianna solapa tobotting muane, tantu te'da! Apa la den wattunna naladiala jio mai tangnga-tangngana joo tobotting muane, iamo tee Aku', mane'ri puasa to toratu, iamo tee anak gurung-Ku'.”

Lukas 13:34

Ee, to-Yerusalem! Tombuno kamu' nabi! Mirura batui to tonasua Puang Allataala ratu lako kalemi, sanggenna mate! Ba'tu pempiranmo' madoang rrempun kamu', susi indo manuk rrempun anakkana jiong pani'na, apa te'da mimadoang!

Lukas 15:28

Gaja birihhi joo anak pamungah, nacia' mentama bola, anna messun to ambe'na ssedei namentama bola.

Lukas 19:27

Na ia tee too, solanni mai sininna to tonnewalina', to cia' mpurajana', mibuno ngasanni jio oloku'.’ ”

Yahya 5:40

apa cia' kamu' ratu lako kale-Ku', ammiampa' katuoan melo te'da cappa'na.

Jamanna Rasulu' 13:45

Ia tonna kitai to-Yahudi to tobuda, masere atimi nacapa'i to Paulus, napasala tooi sininna to napaunna.

Roma 10:21

Apa nakua Nabi Yesaya mpaui to kada napasan Puang Allataala lako to-Israel nakua, “Da'tan bangna' mpupengkorongan limang-Ku' lako kamu', bangsa to tangmenturu' naewa toona'.”

Ibrani 12:25

Danggi' mitangmpesa'dingngii joo tomangkada jao mai suruga, sanga ia to to-Israel tonna anu' to cia' mpesa'dingngii to kada pole jao mai Buntu Sinai, te'da nakullei la'pah jio mai pangsessa-Na Puang Allataala. Apa pole'raka tee kita' to ssa'dingngi joo tomangkada jao mai suruga ke cia'ki' mpesa'dingngii.

Ibrani 9:15

Napasijajianni Almaseh to basse baru, dikua na ia to kamatean-Na la lla'bak tau jio mai kasalanna to napugauk tonna atoran basse jolo, na ia to tomangkamo napilei Puang Allataala la nnampa' barakka' te'da cappa'na to mangka nabasseanni.

Pengkitanna Yahya 22:17

Mangkadai Roh Allataala sola Tobotting Baine nakua, “Malemo kamu' mai!” Ia to tau ssa'dingngi tee, la mangkada todai nakua, “Male kamu' mai!” Inda-inda to mawakke, la maleri mai! Inda-inda to ngkadoangngii, la naalari joo wai mangpatuo to tangdialli.