Matius 22:14 - Alkitab Duri

¹⁴ Natampakkimi Puang Isa joo pangpasusian susi tee, “Buda tonatambai Puang Allataala, apa ci'di'ra to napilei menjaji umma'-Na.”

Matius 22:14 ပူးပေါင်းရင်းမြစ်များ

Matius 20:16

Nakua omo Puang Isa, “Susimi joo ia to disanga tomala'bih la mentomajiong na ia to disanga tomajiong la mentomala'bih.”

Matius 24:22

Na ia kenna te'da napemadoi'i Puang Allataala nnanggeii joo wattunna, te'damo tau la salama'. Apa napemadoi'i, nasaba' umma'-Na to mangka napilei.

Matius 24:24

Nasaba' buda nabi tangtongan sola tossanga kalena tomangpasalama' la mpangpekitan kalena. La mpugauk mangrupa-rupa tanda mejangngaran sola panggaukan mekalajatan, la mpalao sala tau, na ke wa'dingngi moi too umma'-Na Puang Allataala.

2 Petrus 1:10

Ee, tomala'bihku' sola ngasan! Napileimo kamu' Puang Allataala menjaji umma'-Na anna tambai kamu' nturu'i. Iamo joo la mipengkulle-kullei nturu' pakkaeloran-Na, anna manassa lako kalemi sola tolaen kumua tongannamo kamu' napilei Puang Allataala. Na ia ke mipugaukki susi joo, te'damo milampugauk pole'i to sipa' jolomi.

Pengkitanna Yahya 17:14

Namane' mangrari joo olok-olok sola tuu lako raja nnewa Anak Bembala'. Apa ia joo Anak Bembala' ntaloi sola tau matappa'-Na, sanga iamo Puangna sininna puang na Rajana sininna raja.” Ia to taun-Na, iamo to mangka napilei anna pakedoi penawanna.