Matius 21:34 - Alkitab Duri

³⁴ Ia tonna wattu peanggorosanmo, nasuami to kaunanna male la nnalanni to tawana.

Matius 21:34 ပူးပေါင်းရင်းမြစ်များ

Matius 22:3

Ia tonna la mangpabottingmo, nasuami to kaunanna male ntambaii to tomangka dipauan la ratu lako joo pangmaroasan. Apa ia joo todipauan te'da bangngi madoang ratu.

Matius 21:35

Apa ia tonna ratumo lako, najokkomi tomendulu. Den to narambi, den to nabuno na den too to nasilekko'i batu.

Matius 21:38

Apa ia tonna kitami joo tomendulu bara'bah kumua ratui to anakkana joo ampu bara'bah, sipangkada-kadami joo tomendulu nakua, ‘Inde'mi pale' to la mpumanahhi tee bara'bah. Tabunoi, antaala ngasanni tee manahna.’

Matius 21:40

Mekutanami Puang Isa lako tuu lako kapala imang sola pekaamberan to-Yahudi nakua, “Ia ke ratumi joo ampu bara'bah, apara la nagaukanni tuu lako tomendulu?”

Matius 21:41

Mebalimi tuu lako tau nakua, “La ratui mbuno ngasanni, namane' mpangpenduluanni joo bara'bahna lako tolaen, to wa'ding la mpangbenni lako ampu bara'bah to tawana unamo ia, ke wattunnami.”

Markus 12:1

Mpatarruhmi kadan-Na Puang Isa lako kapala imang, guru agama sola pekaamberan to-Yahudi mpake pangpasusian nakua, “Den mesa' tau ntananni anggoro' bara'bahna. Narompoi mengguririkkina, nakali kalo'bong pangparran anggoro', nakabua' too korang la dinii mangngampa. Mangkai joo too, napangpenduluanmi joo bara'bah anggoro' lako ba'tu pira-pira tomendulu, anna male lako tondok laen.

Markus 12:7

Apa sipangkada-kadami joo tomendulu nakua, ‘Inde'mi pale' to la mpumanahhi tee bara'bah. Tabunoi, antaala ngasanni tee manahna.’

Markus 12:9

Ia tonna mangkamo joo, mekutanami Puang Isa nakua, “Apara la nagaukanni ampu bara'bah tuu lako tomendulu? La ratui mbuno ngasanni joo tomendulu, namane' mpangpenduluanni joo bara'bahna lako tolaen.

Lukas 20:9

Mangkai joo too, mangcuritami Puang Isa lako tobuda mpake pangpasusian nakua, “Den mesa' tau ntananni anggoro' bara'bahna. Mangkai joo too napangpenduluanmi lako ba'tu pira-pira tomendulu, anna male lako tondok laen, natorro masai jio.