Matius 20:34 - Alkitab Duri

³⁴ Massemi penawan-Na Puang Isa, nakaka'i to matanna sola dua. Ta'pa pakitami silalona anna undi nturu' Puang Isa.

Matius 20:34 ပူးပေါင်းရင်းမြစ်များ

Matius 14:14

Ia tonna mellaomo Puang Isa jao mai lopi, nakitami joo tobuda, anna masse penawan-Na. Napamalagahhi to tomasaki to ratu nasolan tau.

Matius 15:32

Natambaimi Puang Isa to anak gurun-Na nakuanni, “Masse penawang-Ku' ngkitai tee mai tobuda, sanga tallung allomiki' sola na cappu'mi to kinallona. Te'da kueloranni pole ke tangbarahhi, iamo ke limpui lako lalan.”

Matius 20:33

Mebalimi nakua, “Oo Puang, madoangkan pakita.”

Matius 21:1

Ia tonna mandoppi'mo kota Yerusalem, ratumi lako kota Betfage jio sare Buntu Zaitun, napajolomi Puang Isa to dua anak gurun-Na,

Matius 8:15

Nakaka'i Puang Isa to limanna, nata'pa malagah. Ke'dehmi, namale mpasadianni kande to Puang Isa.

Matius 9:29

Nakaka'mi Puang Isa to matanna nakua, “Susi to mikatappa'ina, iamo jaji.”

Matius 9:36

Ia tonna kitami Puang Isa joo tobuda, massemi penawan-Na, sanga susi bangmira bembala' to te'damo tomangrewana, tangnnissenmo pangngujungan na tangpakulle.

Markus 7:33

Ia tonna messarakmo Puang Isa jio mai tobuda, napatamai patomalimi jarin-Na to talinganna jolo', namane' ncikkudui jarin-Na, nakaka'i to lilana.

Lukas 18:43

Ta'pa pakitami, naundi nturu' Puang Isa, na mpakala'bih Puang Allataala. Sininna to tau ngkitai joo mpakala'bih toda Puang Allataala.

Lukas 22:51

Apa nakua Puang Isa, “Ganna'mo!” Nasapumi Puang Isa talinganna joo tau, napamolei.

Lukas 7:13

Ia tonna kitami Puang Isa joo baine, massemi penawan-Na nakuanni, “Ee indo', danggi' takumarrak!”

Jamanna Rasulu' 26:18

mpami'cikki to matanna, ssolanni jio mai kamalillinan lako macerona, lla'paranni jio mai kuasanna Ballisi' lako kuasan-Na Puang Allataala, anna didampangan, namenjaji umma'-Na to napilei Puang Allataala, sanga matappa'i lako Aku'.’ ”

Ibrani 2:17

Jaji, mentolinomo to Puang Isa namenjaji susi tolino, anna wa'ding menjaji Imang Lompo mangpakamoja', to njama tarruh jaman-Na Puang Allataala. Na ia ke susii joo, wa'dingngi mpasikalino Puang Allataala na tolino na ndampangan too tolino.

1 Petrus 3:8

Ee, tomala'bihku'! Katampakanna, la mesa' kada sola mesa' penawa kamu'. La sipakamoja' kamu' padammi tomatappa', la sikamasean too kamu', nadanggi' mimatampo.