Matius 2:9 - Alkitab Duri

^9-10 Ia tonna mangkamo ssa'ding kadanna raja tee topakita bintuin, mpatarruhmi kalingkanna. Gaja parannu penawanna, nasaba' nakita pole' omi to bintuin to mangka nakita jio kampongna. Ia joo bintuin njoloanni, namane' torro jao sipatunna to bola nanii torro joo pea.

Matius 2:9 ပူးပေါင်းရင်းမြစ်များ

Kada Bulawan 8:17

Kupakamoja' to tompakamoja'na', na ia to tolantuk tongan penawanna nnangahna' nang la naampa'na'.

Matius 2:2

Namekutana to tau nakua, “Umbora nanii jaji to pea la menjaji rajana to-Yahudi? Kikita to bintuin-Na jao langi' jio kadellekan, na la ratukan ssuju'i.”

Matius 2:8

Ia tonna mangkamo mpauanni, nasuami male lako kota Betlehem, napasanni kumua, “Malemo kamu' nnangah meloi joo pea. Na ia ammiampa'mi, pauanna', kumale toda ssuju'i.”

2 Petrus 1:19

Iamo joo angkila'bih pole' ngkanassaii to kadan-Na Puang Allataala to napangpeissenan tuu lako nabi tonna anu' nadiuki' lan Sura' Allataala. Melo ke miingaranni, nasaba' ia joo kadan-Na susi palita mangngarrang lan kamalillinan. La miingaranni saratun-Na pole' Puang Isa ammiissen tonganni. Ia joo karatuan-Na pole' susi tibangkahna mariwang ba'tu karatuanna bintuin sulo bai.