Matius 2:7 - Alkitab Duri

⁷ Ia tonna issenmi Raja Herodes umbo nanii la jaji Raja Mangpasalama', napangpetambaian bunimi tee topakita bintuin, nakutanaii la ngkanassai kumua, “Umbora wattu mikitai joo bintuin?”

Matius 2:7 ပူးပေါင်းရင်းမြစ်များ

Matius 2:1

Ia tonna jajimo Puang Isa jio kota Betlehem, ratumi jao kota Yerusalem to ba'tu pira-pira tomacca ngkita bintuin jio mai kadellekan. Ia to kota Betlehem mesa' kota jio tana Yudea, to naparenta Raja Herodes.

Matius 2:16

Mabirihmi to Raja Herodes tonna issenmi kumua nauragai tee topakita bintuin, nasaba' lalan leko'mi naola. Napangparentanmi kumua la dibuno ngasan to pea muane to te'dapa natallung taun umuru'na jio kota Betlehem na mengguririkkina. Nasaba' sipatumo to wattu napauanni topakita bintuin.

Matius 2:8

Ia tonna mangkamo mpauanni, nasuami male lako kota Betlehem, napasanni kumua, “Malemo kamu' nnangah meloi joo pea. Na ia ammiampa'mi, pauanna', kumale toda ssuju'i.”

Jamanna Rasulu' 24:22

Natampakkii Gubernur Feliks joo kasirempunan mbicara kara-kara, sanga budamo naissen to pangngajaran-Na Puang Isa. Nakua, “La kura'tah tee kara-kara, ke ratumi Pangbarani Lisias.”

Pengkitanna Yahya 12:15

Ia joo ulah mpemburasan wai liwa' buda lako boko'na joo baine namenjaji susi sa'dan dikua nabawai wai joo baine.