Matius 2:2 - Alkitab Duri

² Namekutana to tau nakua, “Umbora nanii jaji to pea la menjaji rajana to-Yahudi? Kikita to bintuin-Na jao langi' jio kadellekan, na la ratukan ssuju'i.”

Matius 2:2 ပူးပေါင်းရင်းမြစ်များ

Matius 2:3

Gaja sabakanmi to Raja Herodes sola tobuda jio kota Yerusalem tonna sa'dingngi to apa napau tee topakita bintuin.

Matius 21:5

“Pauanni to-Yerusalem kumua, Ee, ratumi to Rajami. Mpamajiong penawanna ssakei keledai, mesa' keledai lundara.”

Matius 27:11

Ia tonna dipangngolomo Puang Isa lako Gubernur Pilatus, nakutanaimi nakua, “Tongannaraka, Ikomo Raja to-Yahudi?” Napebalimi nakua, “Susi tuu tapaunna, Aku'mo.”

Lukas 19:38

Metamba-tamba tuu lako tau nakua, “Dibarakka'i to Raja ratu mpusanga sangan-Na Puang. Pakala'bihhi Puang Allataala jao kaminang majaona, na kasikalinoan jao suruga.”

Lukas 2:11

Ia tee allo jajimi to Tomangpasalama'mi jio kotana Raja Daud. Iamo Almaseh, Puang.

Lukas 23:3

Nakutanaimi Gubernur Pilatus to Puang Isa nakua, “Tongannaraka, Ikomo Raja to-Yahudi?” Napebalimi Puang Isa nakua, “Susi tuu tapaunna, Aku'mo.”

Lukas 23:38

Den pangnguki' dipajao de'na ulun-Na Puang Isa kumua: “Raja to-Yahudi tee tau.”

Yahya 1:49

Nakua pole' omo Natanael, “Oo Guru, Anak Allataalaki'. Kita'mo rajana to-Israel.”

Yahya 12:13

Pada nnalami daun kaju palem jio mai garonto'na namale ntammui to Puang Isa. Nametamba-tamba nakua, “Pakala'bihhi Puang Allataala! Dibarakka'i to toratu mpusanga sangan-Na Puang, rajana to-Israel!”

Yahya 18:37

Mekutana omi Gubernur Pilatus lako Puang Isa nakua, “Ia ke susii joo, Rajarokoka?” Mebalii Puang Isa nakua, “Susi tuu tapaunna kumua Rajana'. Dijajianna' kumentama lino mesa'ra akkatta-Ku', iamo to la mpamanassa katonganan. Ia to topole jio mai katonganan, napesa'dingngina'.”

Yahya 19:19

Mangkami massua Gubernur Pilatus nadipale'ke' tee pangnguki' jao kaju sitamben-Na Puang Isa: “Isa to-Nazaret, Raja to-Yahudi.”

Yahya 20:28

Nakua Tomas lako Puang Isa, “Oo Puangku'! Oo Puang Allataala to kusompa!”

Yahya 5:23

Napugaukki Ambe' susi joo, nakua nakasiri'na' sininna tau, susi tau ngkasiri' Ambe'-Ku'. Ia to tocia' ngkasiri'na', te'da toda nakasiri'i Ambe'-Ku' to ssuana'.

Yahya 9:38

Nakuamo, “Matappa'mo' Puang.” Nasuju' jio olo-Na Puang Isa ssompai.

Ibrani 1:6

Apa ia tonna suai Puang Allataala to Anak tungga'-Na mentolino, mangkadai nakua, “Sininna malaeka'-Ku' la ssompai joo Anak-Ku'.”

Pengkitanna Yahya 22:16

Mangkadai Puang Isa nakua, “Aku' Puang Isa, mangkamo kusua to malaeka'-Ku' la mpamanassai to sininna tee lako jamaa. Aku'mo bati'na Raja Daud. Aku'mo susi bintuin sulo bai to mangngarrang ke melambi'.”