Matius 2:12 - Alkitab Duri

¹² Ia tonna polemo lako kampongna, lalan leko'mo naola, nasaba' napangngingaranni Puang Allataala lan tindona nakua, “Danggi'mo mimale ssikitan pole' Raja Herodes.”

Matius 2:12 ပူးပေါင်းရင်းမြစ်များ

Daniel 2:19

Ia bang unamo joo bongi, Napangpekitanni Allataala lako Daniel lan mesa' pengkita to apa membuni lan joo tindo. Iamo joo na mpakala'bih Allataala jao suruga to Daniel

Matius 1:20

Apa ia tonna mangpikkiri' susi joo, mamma'mi namangtindo. Nakitai lan tindona to malaeka'-Na Puang Allataala mpangkadaii nakua, “Ee, Yusuf, bati'na Raja Daud, danggi' mubata sibali to Maryam, nasaba' ia to kakeba'tanganna jajii sanga kuasan-Na Roh Allataala.

Matius 2:13

Mangkai joo too, nakitami Yusuf to malaeka'-Na Puang Allataala lan tindona ngkuanni kumua, “Mi'cokko, palaianni tuu pea sola indona lako tana Mesir, nasaba' naangahhi Raja Herodes la nabuno! Torroko jio, na kupauanpoko, mumane' pole jio mai!”

Matius 2:19

Ia tonna matemo Raja Herodes, nakita pole' omi Yusuf jio tana Mesir to malaeka'-Na Puang Allataala lan tindona, ngkuanni kumua,

Matius 2:22

Apa malaja'i Yusuf pole lako tana Yudea, sanga nasa'dingngi kumua ia to Arkhelaus anakkana Raja Herodes ssulle ambe'na mangparenta jio tana Yudea. Napatujui Puang Allataala lan tindona anna male re' tana Galilea.

Matius 27:19

Ia tonna cumadokkomo Gubernur Pilatus ntangngahhi tee kara-kara, ratumi to pepasan jio mai bainena kumua, “Danggi' mpentamaii urusanna tee mai tonnewai tuu tau te'da kasalanna, nasaba' kupangtindoan joo tau te'da kasalanna na liwa' melajatan.”

Lukas 2:26

Mangkamo napauan Roh Allataala kumua, te'dapa nalamate, ke te'dapi nakitai to Raja Mangpasalama' to napau jolo Puang Allataala.

Jamanna Rasulu' 10:22

Nakua mebali, “Nasuakan Kamandang Kornelius ratu inde'. Ia mesa' tomelo, to ssompa Puang Allataala, nakasiri' sininna to-Yahudi. Mangka nasua malaeka'-Na Puang Allataala mpeta'dako male lako bolana, dikua nasa'dingngi apa to la mupauanni.”

Jamanna Rasulu' 4:19

Apa napebalii nakua, “Tapikkiri' bangmi, umbonna to nakabudai Puang Allataala, nturu'raka parentata' iarika nturu' parenta-Na.

Jamanna Rasulu' 5:29

Apa napebalii Petrus sola padanna rasulu' nakua, “Kila'biran kami' nturu' Puang Allataala na ia to nturu' tolino!

1 Korintus 3:19

Nasaba' ia to disanga kapaissenan lan tee lino, nasanga kabangosanri ia Puang Allataala. Diuki' lan Sura' Allataala kumua, “Kadanna to tossanga kalena paissen nanii njokkoi Puang Allataala.”

Ibrani 11:7

Napugaukki Nabi Nuh to apa nasuanni Puang Allataala, sanga matappa'i. Napauanni Puang Allataala apa to la jaji to te'dapa nakitai. Mengkaturu'i Nabi Nuh lako Puang Allataala anna kabua' mesa' kappala' dikua napasalama'i sintong repokkona. Susimi joo tonna disessamo to tolino, apa ia to Nabi Nuh napupenjaji tomelo Puang Allataala, sanga matappa'i.

Ibrani 8:5

Ia to jaman najama tuu lako imang, sitonganna pangpasusianra ba'tu bajo-bajonara to apa denmo jao suruga. Susi toomi ia to tenda passompan napake'deh Nabi Musa tonna anu', bajo-bajonara to Tenda Tongan. Iamo joo nakuanni Puang Allataala to Musa, “Ingaranni! Padami to la mugaraga, la mupasusi ngasanni to apa mangka dipakitanko jao buntu.”