Matius 19:9 - Alkitab Duri

⁹ La miingaran! Inda-inda to ssarak bainena, to te'da namanggauk sala, nakebaine pole', direken manggauk salai.”

Matius 19:9 ပူးပေါင်းရင်းမြစ်များ

Matius 19:10

Mangkadami to anak gurun-Na lako Puang Isa nakua, “Ianna susi joo, la'bih melo ora ia ke te'da nakebaine-kemuane to tau.”

Matius 19:8

Mebalimi nakua, “Naeloran kamu' Nabi Musa ssarakki to bainemi, nasaba' gaja battuk kamu' cia' diajahhi. Apa ia to pamulanna te'da ia nasusi joo.

Matius 5:32

Apa kukuan kamu' kumua, ia to tossarak bainena to te'da namanggauk sala, ia mpusaba'i namanggauk sala joo baine, ke kemuane pole'i. Na ia to tompubainei to baine disarak, manggauk sala todai.”

Lukas 16:18

Inda-inda to ssarak bainena, nakebaine pole' baine laen, direken manggauk salai. Na ia to tompubainei to baine mangka nasarak muanena, direken manggauk sala tooi.”

1 Korintus 5:1

Sitonganna denmo kareba napauanna' tau kumua den kamu' to manggauk sala liwa' gaja'. Den padanta' tomatappa' sibali indo porona. Ia una ia to tote'dapa naissen Puang Allataala, te'da ia napugaukki to susi joo!

1 Korintus 7:39

Ia to baine kemuanemo ia mandara nakannai atoran tosibali, ke tuo unapi to muanena. Ianna matemo to muanena, la'pahmi joo baine, wa'dingmo ia kemuane pole' ke madoangngi, assalan padanna tomatappa' lako Almaseh.

1 Korintus 7:4

Sanga ia to baine te'da nakuasai batang kalena, apa muanenara to ngkuasaii. Susi toda to muane, te'da nakuasai batang kalena apa nakuasai todai bainena.