Matius 19:3 - Alkitab Duri

³ Ratumi to ba'tu pira-pira to-Farisi madoang la ssede Puang Isa namekutana nakua, “Situru' atoran agamanta', wa'dingraka to tau ssarak bainena, nasaba' mangrupa-rupa passabatan?”

Matius 19:3 ပူးပေါင်းရင်းမြစ်များ

Matius 16:1

Den ba'tu pira-pira to-Farisi sola to-Saduki ratu la ssedei to Puang Isa. Meta'dai anna pugauk tanda mejangngaran, la mpamanassai kumua ia to kuasan-Na pole jio tongan mai Puang Allataala.

Matius 22:35

Denmi sala mesa'na, male lako Puang Isa la nnakkalannii, naden lalan nanii mpasalai. Ia joo tau guru agama.

Markus 10:2

Ratumi to ba'tu pira-pira to-Farisi madoang la ssede Puang Isa, namekutana nakua, “Situru' atoran agamanta', wa'dingraka to tau ssarak bainena?”

Markus 12:13

Den ba'tu pira-pira to-Farisi sola taunna Raja Herodes nasua pekaamberan to-Yahudi male mekutana la silecco kada Puang Isa ke wa'dingngi naden lalan nanii mpasalai.

Markus 12:15

Apa naissen Puang Isa to lan penawanna joo tomekutana. Iamo joo nakuanni, “Ciapari micobana'? Pakitanna' to doi' dinar.”

Yahya 8:6

Naanggai' mekutana susi joo la ncobai to Puang Isa dikua nawa'ding mpasalai. Apa cukku bangngi Puang Isa, na mpangngukiran jarin-Na do' litak.

1 Korintus 7:10

Na lako kamu' to denmo balinna kusuai susi tee, sitonganna tangngia aku' massua, apa Puang. Kusuai kumua ia to baine kemuanemo, danggi' nasarak muanena.

Ibrani 3:9

Nakua Puang Allataala, ‘Ntuumo jio nanii nnujina' tojolomi, moi na patang pulo taun masainna nanii ngkitai to pangtulung-Ku'.’