Matius 18:9 - Alkitab Duri

⁹ Na ia ke matammu ntumangko mumadosa, sungki'i lan mai ammuca'beanni! La'biran menjaji tosalatampako, apa tuoko sola Puang Allataala, na ia ke sukku'i to kalemu apa dipatamako api naraka.”

Matius 18:9 ပူးပေါင်းရင်းမြစ်များ

Matius 16:26

Apara bua'na lako tau ke naassang ngasanni tee lino, apa te'da naampa' katuoan melo te'da cappa'na? Wa'dingraka joo katuoan dipasiangga' waramparan?

Matius 18:8

Ia ke limammu ba'tu ajemu ntumangko mumadosa, ta'takkii ammuca'beanni, sanga la'biran ke menjaji tosalatampako, apa tuoko sola Puang Allataala, na ia ke sukku'i to kalemu, apa dipatamako api naraka dukku te'da cappa'na.

Matius 19:17

Mebalimi nakua, “Ciapari mupekutananni to panggaukan melo lako Aku'? Mesa'ra ia tomelo, Puang Allataala manda ia. Ia ke madoangko nnampui katuoan melo te'da cappa'na, turu'i to parenta-Na Puang Allataala.”

Matius 5:22

Apa kukuan kamu' kumua, ia to tomabirih lako padanna rupa tau, la dipangngoloi lako tomangra'tah kara-kara, na ia to tongkada-kadai padanna rupa tau la dipangngoloi lako tomangparenta, na ia to tomangkada lako padanna rupa tau kumua, ‘Te'da iko bua'mu,’ sipato' dibuang tama api naraka.

Matius 5:29

Jaji ianna mata kananmi ntumang kamu' mipugauk dosa, cukke'i, ammica'beanni! La'biran, ke tangsukku'i to batang kalemi, na ia ke sukku'i, apa dipatama kamu' naraka.

Markus 9:47

Ia ke matammu ntumangko mumadosa, cukke'ii! La'biran ke menjaji tangsukku'ko, apa menjajiko umma'-Na Puang Allataala, na ia ke sukku'i to kalemu apa dipatamako naraka.

Jamanna Rasulu' 14:22

Napamawatang ngasan penawanna to tomatappa' lan simesa'-mesa' kota, dikua anna tatta' to kamatapparanna. Nakuanni, “La buda kamaparrisan diolai, tamane' mentama Lino Barun-Na Puang Allataala.”

Ibrani 4:11

Iamo joo melo ke tapengkulle-kullei mentama ntuu joo tondok kakendenan to nabasse Puang Allataala, dikua danggi' naden tau tangmentama, susi to-Yahudi tonna anu', sanga cia'i matappa' lako Puang Allataala.

Pengkitanna Yahya 21:27

Apa ia to apa carepa te'da lalo nawa'ding la mentama, susinna ia tompugauk apa mesirisan ba'tu mangnguraga. Ia to tau la mentama ia manda to tomangka diuki' sanganna lan Sura' Katuoan, sura'-Na Anak Bembala'.