Matius 18:32 - Alkitab Duri

³² Natambaimi raja joo kaunan gaja sa'ga', nakuanni, ‘Ee, kaunan masa'ga'! Ia to indanmu mangkamo kuhallalasan ngasan, nasaba' mengkamase-maseko lako kaleku'.

Matius 18:32 ပူးပေါင်းရင်းမြစ်များ

Matius 18:27

Massemi penawanna joo raja nahallalasan bangmi to pangpeindanna.

Matius 18:31

Ia tonna kitai kaunan laen, massemi penawanna naparapa'i lako raja joo kaunan mangka dihalallasan indanna.

Matius 18:33

Ciapari na te'da unamo asse penawammu lako solamu, susi to kupugauk lako kalemu?’

Matius 25:26

Mebalimi joo puangna nakua, ‘Ee, ikomo kaunan ganjangna sipa'mu na kuttuan! Muissenmo kumua, mpeburai bangna' tangngia pantananku', nnala toona' assele' tangngia pangngambohku'.

Lukas 19:22

Nakuanmi puangna lako, ‘Ee, kaunan gaja'ko! La kusessako situru' kadammu. Muissen kumua aku' tee tomasa'ga', nnala bangna' tangngia pangngannaku', mpeburaina' tangngia pantananku'.

Roma 3:19

Taissenmo kumua ia to atoran agama dipatuju lako to tomangka diben joo atoran. Iamo joo na te'damo tau wa'ding mpangngewan kalena, apa Puang Allataala la mbenni assele' panggaukanna to sininna tolino.

Yakub 2:13

Ianna te'da takamasei padanta' rupa tau, te'da toda nakamaseiki' Puang Allataala ke dibicaraki'. Apa ia antakamasei padanta' rupa tau, te'da nalasessaki' Puang Allataala ke Kiama'mi lino.