Matius 18:3 - Alkitab Duri

³ Nakua, “La miingaran tee kadang-Ku' kumua, ia ke te'da mipatorro sipa' jolomi, ammisusi pea, te'da milamenjaji umma'-Na Puang Allataala.

Matius 18:3 ပူးပေါင်းရင်းမြစ်များ

Matius 13:15

Nasaba' liwa'mo membattuk tee bangsa, namataru talinganna, na mpamamma' matanna. Ia tee jaji dikua danggi' napakita matanna, nadanggi' namangpesa'ding talinganna, nadanggi' napahangngi, nadanggi' namengkatoba' lako kale-Ku', anna danggi' kupamalagahhi.’ ”

Matius 18:2

Natambaimi Puang Isa to pea biccuk, napajenjenni lan tangnga.

Matius 18:4

Ia to tau mpamajiong penawanna susi tee pea, iamo kaminang mala'bih jio mai umma'-Na Puang Allataala.

Matius 19:14

Apa nakuanni Puang Isa, “Eloranni tuu mati' pea ratu lako Aku'. Danggi' mianggaii, nasaba' tosusimora tuu mati' to la menjaji umma'-Na Puang Allataala.”

Matius 19:23

Nakuamo Puang Isa lako anak gurun-Na, “La miingaran tee kadang-Ku' kumua, gaja sussa ia to tosugih la menjaji umma'-Na Puang Allataala!

Matius 5:18

La miingaran tee kadang-Ku' kumua, te'dapa nala-Kiama' to lino, ke te'dapi najaji ngasan to diuki' lan atoran-Na Puang Allataala! Jaji, moi mesa' hurupu' te'da naladita'dei lan joo atoran.

Matius 5:20

Iamo joo, la miingaran kumua, te'da milangkullei menjaji umma'-Na Puang Allataala, ke te'da mila'bih nturu' pakkaeloran-Na Puang Allataala na ia to guru agama sola to-Farisi.”

Matius 6:16

Mangngajahhimi Puang Isa nakua, “Ia ammipuasa, danggi' mimenggamuru bang susi tomajekkong. Ia to tau susi joo naanggai' bang tangmendau', dikua naissenni tau kumua puasai. La miingaran tee kadang-Ku' kumua, mangkami ia ntarimai to pahalana!

Matius 6:2

Jaji, ia ammimangpangben, danggi' mipau-paui susi tomajekkong. Ia to tau susi tuu lako nakabudai mpugauk panggaukan makassing lan bola passambajangan, ba'tu jio lalan maroah, dikua nakitai tau napujii. La miingaran tee kadang-Ku' kumua, mangkami ia natarima to pahalana.

Matius 6:5

Mangngajahhimi Puang Isa nakua, “Ia ammimassambajang, danggi' misusi tomajekkong. Ia to tau susi tuu lako nakabudai massambajang lan bola passambajangan sola jio too pangpasitammuan lalan, dikua nakitai tau. La miingaran tee kadang-Ku' kumua, mangkami ia natarima to pahalana!

Markus 4:12

dikua ‘Moi da'tan bang mpemakitaii, apa te'da naissenni apa to jaji. Moi da'tan bang mpesa'dingngii, apa te'da napahangngi, nadanggi' namengkatoba' lako Puang Allataala, anna danggi' nadampanganni.’ ”

Lukas 13:24

“Ia to tau dipasalama' wa'ding dipasirapang tomentama ba'ba si'pi'. Iamo joo pengkulle-kullei mentama nnola ba'ba si'pi', nasaba' buda tau mpengkullei mentama apa te'da nakullei.

Lukas 22:32

Apa mangkamo' mpassambajanganko ammuda'tan matappa'. Na ia mumengkatoba'mo, la mupamawatang kamatapparanna to padammu tomatappa'.”

Yahya 1:51

Nakuapa Puang Isa ngkuanni tuu lako tau, “La miingaran tee kadang-Ku' kumua, la mikita to langi' titimbak na ia to malaeka'-Na Puang Allataala lao lisu jao mai langi' ratu lako Aku', Anak Mentolino.”

Yahya 3:3

Napebalii Puang Isa nakua, “Ingaranni! Moi mesa' tau te'da nawa'ding menjaji umma'-Na Puang Allataala lan kaparentan-Na, ke te'dai nadijajian pole'.”

Yahya 3:5

Napebalii Puang Isa nakua, “Ingaranni! Ia ke te'da nadijajian pole' to tau jio mai wai sola Roh Allataala, te'da nawa'ding menjaji umma'-Na Puang Allataala lan kaparentan-Na.

Jamanna Rasulu' 14:22

Napamawatang ngasan penawanna to tomatappa' lan simesa'-mesa' kota, dikua anna tatta' to kamatapparanna. Nakuanni, “La buda kamaparrisan diolai, tamane' mentama Lino Barun-Na Puang Allataala.”

Jamanna Rasulu' 28:27

Nasaba' liwa'mo membattuk tee bangsa, namataru talinganna, na mpamamma' matanna. Ia tee jajii dikua danggi' napakita matanna, nadanggi' namangpesa'ding talinganna, nadanggi' napahangngi, nadanggi' namengkatoba' lako kale-Ku' anna danggi' kupamalagahhi.’ ”

Jamanna Rasulu' 3:19

Ee todipusile'to! Iamo joo la mpenassanni kamu' dosami mimengkatoba', mimenturu' lako Puang Allataala anna dita'dei to dosami,

1 Korintus 14:20

Ee, tomala'bihku' sola ngasan! Danggi' mimangtangngah susi tote'da apa naissen. Sibalikanna la mangtangngah susira kamu' tomasaranianmo. Apa ianna kagajatan, la da'tan kamu' susi tote'dapa apa naissen.

1 Petrus 2:2

Apa la susira kamu' topea'-pea' mane' jaji to tuli mawakke bang madoang nniso' dadik massang, iamo to kadan-Na Puang Allataala. Na ia ke mipesa' tonganni to kadan-Na Puang Allataala, la masaranianmo kamu' ammisalama'.

2 Petrus 1:11

Na la natarima kamu' keanu' Puangta' Puang Isa Almaseh, Tomangpasalama'ta', lan kaparentan-Na te'da cappa'na.