Matius 18:16 - Alkitab Duri

¹⁶ Apa ia ke te'da natarimai to pangpakainga'mu, ssolanko mesa' ba'tu dua tau lako. Nasaba' den diuki' lan Sura' Allataala, ‘Iapi nawa'ding dira'tah kara-karana to tau ke denni dua ba'tu tallu sa'bi.’

Matius 18:16 ပူးပေါင်းရင်းမြစ်များ

Yahya 8:17

Den diuki' lan sura'na Nabi Musa, kumua, ‘Ianna den dua tompangben kasa'bian sangrupa, wa'ding ditarima joo kasa'bianna.’

2 Korintus 13:1

Mangpentallunnamo' tee la male mati'. Den diuki' lan Sura' Allataala kumua, “Iapi nawa'ding dira'tah kara-karana to tau ke denni dua ba'tu tallu sa'bi.”

1 Timotius 5:19

Danggi' mukatappa'i punala bangngi to apa diparapasan pekaamberan jamaa, sangadinna ke denni sa'bi, dua ba'tu tallu tau.

Ibrani 10:28

Ia tonna jolona ke denni tau cia' nturu' atoranna Nabi Musa, la dibuno na te'da nadidampangan, ke nasa'bimi dua ba'tu tallu tau kumua madosa tonganni.

Pengkitanna Yahya 11:3

Ia joo wattu la ssuana' dua sa'bing-Ku' to mangpakean kamasussan mpangpeissenan pepasan-Ku' sangsa'bu dua ratuh annan pulona allona ba'tu patang pulo dua bulanna.”