Matius 18:14 - Alkitab Duri

¹⁴ Susi toomi Ambe'mu Puang Allataala jao suruga tangnaeloran sala mesa'na joo pea sibiccu' la ta'de kamatapparanna.”

Matius 18:14 ပူးပေါင်းရင်းမြစ်များ

Yahya 17:12

Ia tongkusola unapa, kuasan-Ta' kupake nnampaii. Kuampai melomo anna moi mesa' te'da namasolang, saliwanna to pura dipattantumo anna jaji to diuki' lan Sura' Allataala.

Yahya 21:15

Ia tonna mangkamo kumande, nakuamo Puang Isa ngkuan Simon Petrus, “Simon anakkana Yona, la'bih mupakamoja'ra'ka na ia tee mai tau to mpakamoja' todana'?” Mebalii Petrus nakua, “Ie', Puang. Taissen kumua kupakamoja'ki'.” Nakua Puang Isa ngkuanni, “Rewai to anak bembala'-Ku'.”

Ibrani 12:13

Maruruh kamu' nturu' Puang, anna te'da naden tau cia'mo matappa', apa mawatangngi matappa'.

2 Timotius 2:10

Namawatang bangna' ntarima ngasanni, nasaba' kaparalluanna to tau mangkamo napilei Puang Allataala, dikua nalolongan kasalamatan jio mai Puang Isa Almaseh, sola kamala'biran te'da cappa'na.

Lukas 12:32

Naajahhimi Puang Isa to anak gurun-Na nakua, “Danggi' mimalaja' moi mitangpira! Nasaba' napumasannang Ambe'mi Puang Allataala jao suruga mpupenjaji kamu' taun-Na lan kaparentan-Na.

Matius 6:32

Ia ngasan to susi joo naangah bang tolino to tangnturu' Puang Allataala. Apa naissen ia Ambe'mi jao suruga kumua miparallui ngasan joo.

Matius 6:9

Jaji, ia ammimassambajang, la mikua susi tee: Oo, Ambe'ki', Puang Allataala jao suruga. Dennaa upa' na sininna tau mpakala'bihki',

Matius 5:16

Iamo joo, pemakassingngimi tuu panggaukanmi nturu' Puang, nakitai tau susi lampu nnarrangngi tau, nawa'ding nnissenni to kameloan-Na Ambe'mi Puang Allataala jao suruga.”

Matius 18:13

Na ia ke naampa'mi, la miingaran tee kadang-Ku' kumua, la liwa' parannunna joo puangna lako joo mesa'na na ia to kasera pulona kasera!

Matius 18:15

Mpatarruh omi kadan-Na Puang Isa nakua, “Ia ke ia to padanta' tomatappa' mpugauk kasalan lako iko, maleko mpakainga'i joo panggaukanna. Sola dua bangmoko. Ia ke napesa'dingngiko, battuananna mupusile'to pole'mi.