Matius 17:9 - Alkitab Duri

⁹ Ia tonna solohmo jao mai buntu, napakainga'mi Puang Isa nakua, “Ia ke dipatuo pole'mo' jio mai kamatean tee Aku', Anak Mentolino, mane'ri wa'ding mipauan tau to apa mangka mikita.”

Matius 17:9 ပူးပေါင်းရင်းမြစ်များ

Matius 12:16

Apa naanggaii Puang Isa tuu lako tau nakua, “Danggi' mimale mpangpeissenanna'.”

Matius 17:12

Apa sitonganna kukuan kamu': Ratumi ia to Nabi Elia, apa nasakka' gaukki bangngi tau, sanga te'da naissenni. Susi toomi to la nagaukanna' tee Aku', Anak Mentolino.”

Matius 17:20

Mebalimi nakua, “Malammai to kamatapparanmi. La miingaran tee kadang-Ku' kumua, ia ke denni kamatapparanmi moi pada bangra lise' sawi, wa'ding kamu' kumua lako tee buntu, ‘Tiangka'ko lako ntuu joo’, nang la tiangka' ia. Te'da to apa tanglamikulle mipugauk. [

Matius 17:22

Ia tonna sirempunmo Puang Isa sola anak gurun-Na jio tana Galilea, nakuamo Puang Isa lako, “Te'damo namasai ia tee Aku', Anak Mentolino, kuladipangben lako kuasanna tolino.

Matius 17:23

La dibunona', apa allo mangpentallun la dipatuo pole'na' jio mai kamatean.” Masussami penawanna to anak gurun-Na sola ngasan.

Matius 17:8

Ia tonna mengkitamo, te'da bangmo tau laen nakita saliwanna Puang Isa mandamo.

Matius 8:20

Mebalimi nakua, “Cinggallun den ia lo'ko'na, sola manuk-manuk den ia serangna, apa ia tee Aku', Anak Mentolino, te'da ngenan kunii mamma'.”

Matius 8:4

Nakuamo Puang Isa, “Danggi' lalo mucuritai moi lako mesa' tau, apa maleko lako imang jao kota Yerusalem, mupeta'dai napattantui kumua malagah tonganmoko! Mumane' mpugauk tooi to karoba kamalagaranmu situru' atoranna Nabi Musa, namenjaji butti lako sininna tau.”

Markus 8:30

Napakainga'mi Puang Isa to anak gurun-Na kumua danggi' naden tau napauan kumua Iamo Raja Mangpasalama'.

Lukas 8:56

Jangngah to tomatuanna ngkitai joo kajajian. Apa naanggai Puang Isa kumua danggi' naden tau napauan.

Lukas 9:36

Ia tonna te'damo disa'ding joo gamara, nakitami mesa-mesamira Puang Isa ntuu jio. Ia tuu lako anak gurun-Na pada kamma' bangngi joo wattu, na te'da naden tau napauan to apa mangka nakita.