Matius 16:23 - Alkitab Duri

²³ Apa messailei Puang Isa nakuanni to Petrus, “Ee, Ballisi', palai laloko ntee! La mutumangna', nasaba' ia to pikkirisanmu, pikkirisan tolino ia, tangngia pikkirisan jio mai Puang Allataala.”

Matius 16:23 ပူးပေါင်းရင်းမြစ်များ

Filipi 3:19

Mangkatampakanna la sabu' tuu lako tau, nasaba' mpupuang ba'tangna, mpumatampo panggaukanna to mesirisan, na ia to tangngahna napatuju lako mandai katuoan lan lino.

Kolose 3:2

Battuananna, ia to penawammi la mipatuju lakoi to la miampa' jao suruga, danggi' na apa lan lino mipikkiri'.

Markus 8:33

Apa messailei nakita ngasanni to anak gurun-Na, nagarra'i to Petrus nakua, “Ee, Ballisi', palai laloko ntee! Ia to pikkirisanmu, pikkirisan tolino ia, tangngia pikkirisan jio mai Puang Allataala.”

Matius 4:10

Mebalimi nakua, “Ee Ballisi', malaiko! Den diuki' lan Sura' Allataala kumua, ‘La ssompako Puangmu, Puang Allataala, na Ia manda to la mupu-Puang.’ ”

Yahya 6:70

Mebalimi Puang Isa nakua, “Aku'ra to mpilei kamu' tee tau sangpulo dua. Apa den mesa' tonatamai setang lan tangnga-tangngami.”

Lukas 4:8

Mebalimi Puang Isa nakua, “Den diuki' lan Sura' Allataala kumua, ‘La ssompako Puangmu, Puang Allataala, na Ia manda to la mupu-Puang.’ ”

Roma 14:13

Iamo joo, danggi' tasipasala melako. La'bih melo ia ke tapengkullei anna danggi' tapugauk dosa to napusaba' na padanta' tomatappa' mpugauk toda dosa.

Roma 14:21

La'biran danggi' mikandei to juku' ba'tu nniso' anggoro', ba'tu apa bangmo mipugauk, ke la napumadosari padammi tomatappa'.

Matius 18:7

Na liwa' macilakanna to tolino, to tompalao sala padanna rupa tau. La den bang ia to tomangpalao sala, apa macilaka to tau susi joo.

Matius 16:22

Nasarakki mesami Petrus to Puang Isa anna ta'tanni nakua, “Oo Puang, dennaa upa' napamambelai Puang Allataala joo la jaji lako kale-Ta'!”