Matius 16:18 - Alkitab Duri

¹⁸ Iamo joo, kusangai tooko Petrus, battuananna batu mawatang. Susi batu ariri dinii mpake'deh bola namawatang, susi toomi kusuako la mpemawatangngi tomatappa' lako Aku' na moi kamatean te'da nalantaloii.

Matius 16:18 ပူးပေါင်းရင်းမြစ်များ

Kada Bulawan 24:7

Te'da nakullei tobango' mpahangngi to macca. Kamma' bang ke mukkunni to tau mbicara sininna kara-kara parallu.

Yunus 2:6

Tallanna' ratu do' garonto' buntu lan tasik. Na ia to kuperasai susina' to la lan tarruhmo pangtarungkuan. Ia tonna malamma penawangku' kumangngingaran kumetamba mati' kale-Ta', ‘Oo Puangku', PUANG Allataala!’ Lan mai bola mala'bih-Ta' Tapesa'dingngi to passambajangku'. Na susimo' to Tapaendek jiong mai lino tomate, ammipatuo pole'na'.

Matius 10:2

Ia to sanganna joo sangpulo dua rasulu'-Na Puang Isa susi tee: Simon (ba'tu Petrus) na Andreas to sile'tona. Namane' dua anakkana Zebedeus, iamo to Yakub na Yahya.

Matius 11:23

Na kamu' to-Kapernaum! Misangaraka la dipamatande kamu' ratu de' langi'? Te'da! Apa la dipembuangan kamu' do' ngenan kaminang majiong! Nasaba' ia kenna la ia tee tanda mejangngaran to mangka dipugauk lan tangnga-tangngami dipugauk lo' kota Sodom, la denpa ia ratu lako too allo.

Matius 18:17

Apa ia ke te'da unapi namadoang mpesa'dingngii to pangpakainga'na joo tau musolan lako, la mupaui lako jamaa, namale mpakainga'i. Ia ke te'da natarimai, la mireken susii to passassung ba'tu totangmatappa'.”

Matius 4:18

Ia tonna lumingka-mingkamo Puang Isa jio randan Tasik Galilea, ngkitami dua tosile'to disanga Simon ba'tu Petrus sola sile'tona to disanga Andreas mangjala jiong tasik, sanga iamo jamanna.

Matius 7:24

Mangngajahhimi Puang Isa nakua, “Iamo joo, ia to tompesa'dingngii tee kadang-Ku', napugaukki, iamo dipasusi tomandalan tangngah to mpake'deh bolana jao pondasi batu.

Yahya 1:42

Nasolanni lako Puang Isa, nakaje'jekki nakuanni, “Iko Simon, anakkana Yahya, la disangako Kefas.” (Kefas lan basa Yahudi pada una Petrus lan basa Yunani, battuananna: buntu batu.)

Jamanna Rasulu' 2:47

na mpakala'bih Puang Allataala. Napumasannang ngasan tau. Allo-alloi tuli napakerangnganni Puang Allataala to todipasalama'.

Jamanna Rasulu' 20:28

Njagai kamu' kalemi. Mijagai tooi jamaa to mangka napangben Roh Allataala la mijagai, nasaba' kamu'mo diangka' menjaji tonnatoro' jamaa-Na Puang Allataala. La mijagai melo to taun-Na susi tomangrewa rrewai bembala'na, nasaba' elohnamo Puang Allataala namate Puang Isa dikua nawa'ding lla'bak taun-Na.

Jamanna Rasulu' 8:1

Napusannang Saulus joo kadibunoanna Stefanus. Ia bang unamo joo allo namangpamula dipakario-rio to jamaa jio kota Yerusalem, anna sininna tomatappa' saleananna rasulu' sisarak-sarak male lako lili'na tana Yudea na tana Samaria.

1 Korintus 15:55

“Ta'demi kapataloanna to kuasa kamatean. Te'damo nakullei ssolangngiki'.”

Galatia 2:9

Yakub, Petrus, na Yahya direken paloloan lan jamaa. Ia tonna katappa'imi kumua Puang Allataala mpabarakkannina' tee jaman, sisalama'mokan Barnabas sola tuu lako tau, kumua mesa' penawamokan. Ia to aku' sola Barnabas male lakomokan bangsa tangngia to-Yahudi, na ia male lako to-Yahudi mpangpeissenan Kareba Kasalamatan.

Efesus 3:10

Napugaukki Puang Allataala susi joo la mpapajanni to mangrupa-rupa kamaccan-Na sola kapaissenan-Na Puang Allataala lako mangrupa-rupa tomakuasa ba'tu tomangparenta jao langi' ke nakitai to tomatappa' menjaji susi mesa' kale.

Efesus 5:32

Liwa' mandalanna battuananna tee kada. Ia to kusanga iamo to kasiumputanna Almaseh na tomatappa'.

Kolose 1:18

Almaseh toomo kapalana sininna tomatappa' to dipasangrapang batang kale-Na. Iamo Anak Tungga' to bungah dipatuo pole' jio mai kamatean, dikua namenjaji kaminang matande jio mai to apa den.

1 Timotius 3:15

nasaba' ia angkumela' ratu, muissenmo to sipa' sipato'na lako tonapuanak Puang Allataala to tuo tarruh. Kita' sola ngasan to matappa' lako Puang Allataala mpangngewai pangngajaran tongan, susi pangrante iarika batu ariri mpemawatangngi bola.

1 Timotius 3:5

Nasaba' ia ke tangnaissenni nnurusu' repokkona, umbo nakua la nnurusu' jamaa-Na Puang Allataala?

Ibrani 12:28

Iamo joo la mangkurru sumanga'ki' lako Puang Allataala, sanga tatarimamo jio mai kale-Na to mesa' kaparentan tangtiroge. Takalaja' takasiri'i antamassompa lako Puang Allataala situru' pakkaeloran-Na,

Pengkitanna Yahya 11:15

Mangkai joo too ia to malaeka' mangpempitu mpannoni tarompe'na, naden gamara liwa' tonggo disa'ding jao suruga nakua, “Mammula tee too ia to lino menjajimi kadatuan-Na Puangta' Puang Allataala sola Raja Mangpasalama' to mangkamo napilei la mangparenta te'da cappa'na.”

Pengkitanna Yahya 21:14

Ia joo bentengna digaraga jao sangpulo dua batu ariri, na mesa' oi aririnna diuki' oi mesa' sanganna to sangpulo dua rasulu'-Na Anak Bembala'.