Matius 16:16 - Alkitab Duri

¹⁶ Mebalimi Petrus nakua, “Kita'mo Raja Mangpasalama', Anak to pole jio mai Puang Allataala to tuo te'da cappa'na.”

Matius 16:16 ပူးပေါင်းရင်းမြစ်များ

Daniel 6:26

Mangkai joo too, massuai Raja Darius nadikiring to sura' lako sininna bangsa, rapu tau na basa lan lili'na lino. “Salama' lako kamu' sola ngasan!

Matius 1:16

Yakub njajian Yusuf, iamo muanena Maryam, na Maryam njajian Puang Isa to disanga Almaseh.

Matius 14:33

Nasuju'mi anak gurun-Na to Puang Isa. Namangkada nakua, “Kita'mo Anak Allataala.”

Matius 16:15

Mekutana pole' omi nakua, “Apa ia ke pahangmi, indara' tee?”

Matius 26:63

Apa kamma' bangngi to Puang Isa. Nadadu' omi to Imang Lompo mangkada nakua, “La massapahko mpau Puang Allataala to tuo te'da cappa'na, mpauankan, Ikomoraka Raja Mangpasalama', Anak Allataala.”

Matius 27:54

Ia to komandan surudadu sola solana to nnampai Puang Isa, silajatan tonganni tonna sa'dingngi to nino sola nakitai to apa jaji, namangkada nakua, “Tonganna, Ia tee tau Anak Allataala.”

Matius 4:3

Ratumi to Ballisi' mpengkulle-kullei ssedei mpugauk dosa nakua, “Suai tee batu menjaji kande, sanga Anak Allataalako.”

Markus 14:61

Apa kamma' bangngi to Puang Isa. Te'da bang namebali. Pissenpa to Imang Lompo mekutana nakua, “Ikomoraka Raja Mangpasalama', Anak Allataala to disompa?”

Lukas 2:11

Ia tee allo jajimi to Tomangpasalama'mi jio kotana Raja Daud. Iamo Almaseh, Puang.

Yahya 1:49

Nakua pole' omo Natanael, “Oo Guru, Anak Allataalaki'. Kita'mo rajana to-Israel.”

Yahya 11:27

Mebalii Marta nakua, “Oo Puang, matappa'na' kumua Kita'mo Anak Allataala, Raja Mangpasalama' to napau Puang Allataala tonna anu' la ratu tama lino.”

Yahya 20:31

Ia ngasan tee diuki', ammimatappa' kumua Raja Mangpasalama' na Anak Allataala to Puang Isa, ammiampa' katuoan melo te'da cappa'na, sanga matappa' kamu'.

Yahya 6:57

Ia to Ambe'-Ku' to ssuana', Iamo naputuo tau. Susi Aku' tuo jio mai kale-Na, susi toomi to tongkande batang kale-Ku', la tuo jioi mai kale-Ku'.

Yahya 6:68

Mebalimi Simon Petrus nakua, “Oo Puang, inda opara la kinii male? Na Kita' mandara to mpau kada mpangben katuoan melo te'da cappa'na.

Yahya 6:69

Matappa'mokan na kiissenmo kumua Kita'mo to pesua mattantun-Na Puang Allataala.”

Jamanna Rasulu' 14:15

“Ee kamu' sola ngasan ammimangpasusira tuu? Tolino biasa bang unakan tee susi kamu'! Iari kami' kintee la mpangpeissenanrakan Kareba Kasalamatan lako kamu', dikua ammipatorroi tee apa tangmakkeguna, ammipole lako Puang Allataala to tuo, to mpaden langi' sola lino na tasik na sininna toissinna.

Jamanna Rasulu' 8:36

Mpatarruhhi kalingkanna na dete' wai, nakua, “Inde'mi to wai, denparaka halanganna ke dijio'na'?” [

Jamanna Rasulu' 8:37

Napebalii Filipus nakua, “Wa'dingmiki' dijio', ke lantuk tongan penawanta' ngkatappa'i Puang Isa.” Nakua mebali, “Kukatappa'i kumua Anak Allataala to Puang Isa Almaseh.”]

Jamanna Rasulu' 9:20

Tarruh bang unami llelei bola passambajangan to-Yahudi mpangpeissenanni kumua Anak Allataala to Puang Isa.

Roma 1:4

apa ianna kuasa kapuanganna, disangai Anak Allataala. Manassa to kuasan-Na, nasaba' tuo pole'mi jio mai kamatean.

2 Korintus 1:19

Susi too Puang Isa Almaseh, Anak Allataala, to kipangpeissenan lako kamu' sola Silas na Timotius, te'da namembalik to kadan-Na kumua “Io” menjaji “Te'da”. Apa sibalikanna, tatta' napau “Io”.

2 Korintus 3:3

Ia tuu lako tau ngkitai to assele' jamanki' kumua kamu'mo susi sura' to nauki' Almaseh, na kami' napake ngkiringngi. Ia joo sura' tangngia dawa' dipake nnuki'i, apa Roh Allataala to tuo. Te'da too nadiuki' jiong batu susi atoranna Nabi Musa, apa diuki' lan penawanna tau.

2 Korintus 6:16

Te'da kasiumputanna Bola Puang Allataala na bolana dewata! Na kita'mo Bola Puang Allataala to tuo, susi to napau Puang Allataala kumua, “La mari'pihna' sola tuu lako tau, na la torrona' lan tangnga-tangngana. La menjajina' Puang Allataala to nasompa, na ia tuu lako tau la menjaji umma'-Ku'.

1 Tesalonika 1:9

sanga nacurita ngasan tau kumua mitarima melokan tongkimale jolo mati'. Nacurita too kumua miboko'imo to dewata, mimassompa lako manda Puang Allataala. Iamo Puang Allataala tongan to tuo tarruh.

1 Timotius 3:15

nasaba' ia angkumela' ratu, muissenmo to sipa' sipato'na lako tonapuanak Puang Allataala to tuo tarruh. Kita' sola ngasan to matappa' lako Puang Allataala mpangngewai pangngajaran tongan, susi pangrante iarika batu ariri mpemawatangngi bola.

1 Timotius 4:10

Mangjamaki' tangmekabo'jo', nasaba' mangrannuanki' lako Puang Allataala to tuo tarruh. Iamo Tomangpasalama'na sininna tau, la'bih-la'bih sininna to tomatappa'.

Ibrani 10:31

Liwa' meka'baran bulu ke nasessaki' Puang Allataala to tuo, to rra'tah kara-karata'!

Ibrani 12:22

Ee, tomala'bihku', te'da miratu lako buntu susi joo. Sibalikanna ratumo kamu' lako Buntu Sion na kota-Na Puang Allataala to tuo, iamo to kota Yerusalem jao suruga to nanii massa'bu-sa'bu malaeka'-Na.

Ibrani 3:12

Ee, tomala'bihku'! Ingaran meloi, danggi' naden to mangpenawa gaja' susi joo, ammicia' matappa' lako Puang Allataala to tuo.

1 Yahya 4:15

Inda-inda to nnakuii kumua Anak Allataala to Puang Isa, ia to Puang Allataala da'tan mesa' penawa sola joo tau, na ia da'tan mesa' penawa sola Puang Allataala.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

1 Yahya 5:5

Te'da tau ngkullei ntaloi kuasanna tolino to tangnturu' Puang Allataala, ke te'da nakatappa'i kumua Anak Allataala to Puang Isa.

Pengkitanna Yahya 7:2

Ia joo malaeka' napakuasa toomo Puang Allataala la ssolangan gantanan na tasik. Ta'pa ngkita omo' malaeka' laen ratu jio mai kadellekan, mbawai ca'na Puang Allataala to tuo. Ia joo malaeka' mane' ratu, ntambaii to a'pa' malaeka'