Matius 14:6 - Alkitab Duri

⁶ Ia tonna mpengngingaranni allo kajajianna Raja Herodes menari'i to anakkana baine Herodias napengkitaii toratu, na liwa' napumasannang Raja Herodes.

Matius 14:6 ပူးပေါင်းရင်းမြစ်များ

Ester 2:18

Mangkai joo too mpadenmi pangmaroasan la'da' raja, tanda kanaanggasanna to Ester, natambai ngasanni to pangjamana sola tomajao pangka'na. Napangpeissenan tooi raja, na te'da nadisima to tau lan sininna propinsi joo wattu, nantawa-tawa paraseng situru' to nakaelohhi raja.

Matius 14:3

Iamo namangkada susi joo Raja Herodes, nasaba' ia to apa pura jaji tonna tee. Ia joo Raja Herodes sibalii Herodias bainena sile'tona to disanga Filipus. Apa napangngingaranni Nabi Yahya kumua, “Pemali ke sibaliki' Herodias to balinna sile'tota'.” Madoangngi la mpangpebunoanni, apa malaja'i lako tobuda, nasaba' nasanga ia tau nabi to Yahya. Iamo joo napangpejokkoan bangri nadipumpung dipatama pangtarungkuan.

Matius 14:7

Iamo joo namassapah nakua, “Ee, apa to mupeta'da, iami la kubenko.”

Matius 22:24

Nakuamo, “Oo Guru, mangka napangpangngajaran Nabi Musa susi tee: Ia ke matei to muane, na te'dapa anakkana joo bainena, la nasulle allonanni adinna, dikua napajajianni bati'.

Markus 6:14

Nasa'ding todamo Raja Herodes to karebanna Puang Isa, nasaba' kaissenanmo umbo-umbo nanii. Den tau mpaui kumua, “Nabi Yahya tee tuo pole'! Iamo joo namakuasa mpugauk tanda mejangngaran.”

Markus 6:17

Iamo namangkada susi joo Raja Herodes, nasaba' ia to apa pura jaji tonna tee. Ia joo Raja Herodes sibalii Herodias bainena sile'tona to disanga Filipus. Apa napangngingaranni Nabi Yahya kumua, “Pemali ke sibaliki' Herodias to balinna sile'tota'.” Iamo joo namagalli Herodias anna madoang la mpangpebunoanni, apa malaja'i sanga tangnapangben Raja Herodes. Dipangpejokkoan bangri to Nabi Yahya nadipumpung dipatama pangtarungkuan. Nasuai Raja Herodes to tau njagai meloi to Nabi Yahya lan pangtarungkuan, sanga nakalaja'i. Naissen kumua maruruh penawanna Nabi Yahya nturu' pakkaeloran-Na Puang Allataala. Na nakabudai mpesa'dingngii ke mangngajahhii, apa siputtak lan to penawanna ke nasa'ding omi to pangngajahna.

Markus 8:15

Napupangngingaranmi Puang Isa nakua, “Majaga kamu' lako raginna to-Farisi sola Raja Herodes.”

Lukas 13:31

Ia joo wattu den ba'tu pira-pira to-Farisi ratu lako Puang Isa nakua, “Melo ke tasalaii tee kampong, nasaba' madoang Raja Herodes la mbunoki'.”

Lukas 23:11

Na Raja Herodes sola surudadunna mpelle' Puang Isa na ncapa'-capa' tooi, napapakeii pakean kamala'biran. Mangkai joo too, namane' mpapolei lako Gubernur Pilatus.

Lukas 23:7

Ia tonna dipauanmo kumua, “Ia kita' tee Puang Isa to lan kuasa kaparentanna Raja Herodes,” nakiringmi Gubernur Pilatus lako Raja Herodes to ratu toda ia jao kota Yerusalem joo wattu.

Lukas 3:1

Ia tonna sangpulo limamo taunna Tomaraja Tiberius mangparenta jio kaparentan Roma, na Pontius Pilatus menjaji gubernur jio tana Yudea, Raja Herodes mangparenta jio tana Galilea, Filipus sile'tona Raja Herodes mangparenta jio tana Iturea na tana Trakhonitis, na ia to Lisanias mangparenta jio tana Abilene.

Lukas 3:19

Apa nta'tan tooi Raja Herodes to mparenta tana Galilea, nasaba' malei mpubaine Herodias to bainena sile'tona, na budapa to panggaukan gaja' napugauk.

Lukas 8:3

Susi too Yohana, bainena Khuza. (Ia to Khuza nnurusu' doi'na Raja Herodes.) Den tooi Susanna na ba'tu pira-pirapa baine laenna. Ia tuu lako baine pada mpasadia kaparalluanna Puang Isa sola anak gurun-Na mpake kasugiranna.

Jamanna Rasulu' 12:1

Ia joo wattu napamulami Raja Herodes ssessa tomatappa' lako Puang Isa.

Jamanna Rasulu' 4:27

Mpatarruhmi kadanna nakua, “Oo Puang, tongan to kadan-Ta', nasaba' denmo nasirempun Raja Herodes na Gubernur Pontius Pilatus lan tee kota sola bangsa tangngia to-Yahudi na to-Yahudi nnewa Puang Isa kaunan-Ta'. Ia to kaunan mattantun-Ta' mangkamo taangka' menjaji Raja Mangpasalama'.