Matius 13:52 - Alkitab Duri

⁵² Nakuamo Puang Isa, “Iamo joo la mipahang kumua ia to guru agama to-Yahudi to menjaji umma'-Namo Puang Allataala na ntarimamo pangngajaran-Na, susimo to ampu bola mpasun ngasan ewananna la jolona la barunna lan mai ngenanna, napangpekitanni.”

Matius 13:52 ပူးပေါင်းရင်းမြစ်များ

Kada Bulawan 11:30

Ia to tomakassing la manyaman katuoanna, ia to tomacca sabuda-budanna tau nturu'i.

Kada Bulawan 15:7

Ia to kada tomacca nnamboh kapaissenan, apa ia to llan penawanna tobattuk te'da nasusi joo.

Kada Bulawan 18:4

Ia to kada tomacca mpaollong buda kamaccan susi wai tasik lempah, na mangpamacakka' susi wai lolong.

Matius 12:35

Ia to tomelo penawanna, melona bangra to napau, nasaba' kameloan manda lan penawanna. Na ia to togaja', gaja'na bangra to napau, nasaba' kagajatan manda lan penawanna.

Matius 13:51

Mekutanami Puang Isa lako anak gurun-Na nakua, “Mipahang unaraka battuananna joo sininna pangpasusian?” Mebalimi to anak gurun-Na nakua, “Ie' Puang, kipahang ngasan.”

Matius 13:53

Ia tonna mangkamo Puang Isa ncurita ngasanni joo pangpasusian, nasalaimi joo ngenan,

Matius 23:34

Pesa'dingngii! La kuparatuan kamu' tomapahang, nabi na guru, denni to la mibuno, na den tooi to la mipampang. Denni to la mirambi lan bola passambajangan, na den tooi to la miula' tarruh-tarruh jio mai mesa' kota lako kota laen.

Matius 28:19

Iamo joo malemo kamu' lako sininna bangsa lan lino, mipupenjajii taung-Ku'. Jio'i mpau sangan-Na Ambe', Anak na Roh Allataala.

Lukas 11:49

Iamo joo napattantui Puang Allataala kumua, ‘La kuparatuanni nabi sola rasulu', denni to la nabuno, na den tooi to la nasessa.’

Yahya 13:34

Kuben kamu' parenta baru kumua, la sipakamoja' kamu'. Susi Aku' mpakamoja' kamu', susi toda kamu' la sipakamoja'.

2 Korintus 6:10

Tuli mariokan, moi kiperasai kamasussan. Mpasugihmokan barakka' kasalamatan lako tobuda, moi susikan tokaasi-asi dikita. Sitonganna kiampui ngasan to sininna apa, moi susikan tote'da lalo apa kiampui.

Efesus 3:4

Na ia ke mibacai, miissenmi kumua kupahang tonganmo joo akkatta-Na to mangka napugauk Almaseh.

Efesus 3:8

Aku'mo mase-masena to sininna umma'-Na Puang Allataala, apa napabarakkannina' Puang Allataala tee jaman mpangpeissenan Kareba Kasalamatan lako bangsa tangngia to-Yahudi kumua ia to barakka'-Na Almaseh te'da susinna.

Kolose 1:7

Ia tee Kareba Kasalamatan mangka naajaran kamu' Epafras, sangpangjamanki' to kipakamoja'. Iamo mesa' tompangjaman Almaseh to tatta' mbalii kamu'.

Kolose 3:16

La mipallan penawa tarruhhi to pangngajaran-Na Almaseh ammituru'i. La da'tan bang kamu' siajaran misipakainga' too mpake sininna kapaissenanmi. La macanning atimmi mangkurru sumanga' lako Puang Allataala mimakkelong Zabur, kelong pangpujian ba'tu kelong laen.

1 Timotius 3:6

Danggi' too na ia tomane' matappa', nasaba' wa'dingngi matampo, anna disessa susi Ballisi'.

Titus 1:9

Parallu nturu' pangngajaran tongan, to mangka diajaranni na nakatappa'imo. Ianna susi joo, wa'dingngi mpamasumanga' tau ke mpangpangngajaranni pangngajaran tongan, na wa'ding too mpauan salana tau to mbali-balii joo pangngajaran.