Matius 13:47 - Alkitab Duri

⁴⁷ Mangcurita pole' omi Puang Isa lako tobuda mpake pangpasusian nakua, “Ianna mangparentamo Puang Allataala susi Raja, wa'ding dipasangrapang puka to ditanan jiong tasik, na nnala mangrupa-rupa bale.

Matius 13:47 ပူးပေါင်းရင်းမြစ်များ

Matius 13:44

Mangcurita pole' omi Puang Isa lako tobuda mpake pangpasusian nakua, “Ianna mangparentamo Puang Allataala susi Raja, wa'ding dipasangrapang to ewanan dilamun do' litak, naampa'i tau. Nalamun pole'i, namane' male mbaluk ngasanni to ewananna, naallianni joo padang nanii nnampa' ewanan nena', nasaba' gaja sannangngi joo tau.”

Matius 13:46

Ia tonna kitamo mutiara sanglise' liwa' mellong, ta'pa malemi mbaluk ngasan ewananna naallianni joo mutiara.”

Matius 13:48

Ianna ponnomo bale, narui'mi pangjala de' randan tasik nacumadokko mpileii. Ia to melona napatama embere' na ia to gaja'na naca'bean.

Matius 4:19

Nakuamo lako sola dua “Male kamu' mai nturu'na'! La kuben kamu' jaman nnajahhi tau ngkatappa'ina'.”

Markus 1:17

Nakuamo lako sola dua, “Male kamu' mai, nturu'na'! La kuben kamu' jaman nnajahhi tau ngkatappa'ina'.”

Lukas 5:10

Susi too to solana Simon, iamo to Yakub na Yahya anakkana Zebedeus. Nakuamo Puang Isa lako Simon, “Danggi' mumalaja'! Mammula tee too te'damo mumangjala bale. La kubenko jaman baru nnajahhi tau anna menjaji tonturu'na'.”

Yahya 15:2

Ia to tangke-Ku' to te'da namembua, nasembangngi Ambe'. Na ia to den buanna naalai pira' to daunna, nabajaii anna la'bih buda buanna.

Yahya 15:6

Ia to tote'da namemmesa' sola Aku', la dica'bean lako salean, namerrangko susi rangko anggoro' to disembangngi. Ia joo rangko dirempun nadisumpun.

Jamanna Rasulu' 20:30

Na den too kamu' lan mai tangnga-tangngami la mpangpeissenan kareba tangtongan. Ia napugaukki susi joo la mpalao salari to tomatappa'mo lako Puang Isa nakua anna ia naturu'.

1 Korintus 11:19

Sitonganna te'da namejangngaran ke susii joo, napajan kumua indannara kamu' tomatappa' tongan.

2 Korintus 11:26

Pembudamo' mperasai pa'dik lan kalingkanku'. Susinna napakalaja'na' parampo', abala' wai saba', abala' jio mai to-Yahudi, na abala' jio mai bangsa tangngia to-Yahudi, abala' lan kota na salean kota, abala' jiong tasik, abala' jio mai tomatappa' tangtongan.

Galatia 2:4

moi naden ba'tu pira-pira tau la mpangpeparukuanni. Puang Isa Almaseh mangka lla'paranki' jio mai atoran agama, apa ia tuu lako tau to sitonganna tangngia padanta' tomatappa' mentama buni tangnga-tangngata' la hhalangngii to kadila'paranta', dikua napukaunan pole'ki' atoran agama.

Pengkitanna Yahya 3:1

Nasuana' nakua, “Uki'i susi tee lako malaeka'na jamaa jio kota Sardis: Ia tee pepasan pole jio mai Aku' to nnampui pitu roh jio mai Puang Allataala na pitu bintuin. Iamo tee pepasan-Ku': Kuissen to apa mipugauk. Nakua tau kumua disanga kamu' tuo, apa ianna Aku', kukua tomatemo kamu'.