Matius 13:30 - Alkitab Duri

³⁰ Ma'namo napada tuo jolo', sadipepareinna. Undipi kumane' mpangpesuanni lako tomepare narebu'i jolo' to pare-parena, naujunni nadisumpun. Narempun meloi to pare nadipatama pa'pak.’ ”

Matius 13:30 ပူးပေါင်းရင်းမြစ်များ

Matius 13:25

Ia tonna bongimo namamma' ngasanmo to tau, ratumi to ewalinna joo pangdusung nnambohhi todai pare-pare, namale ssalai.

Matius 13:29

Mebalimi joo pangdusung nakua, ‘Danggi', nasaba' ia ke direbu'i to pare-pare, la tirebu' todai to pare.

Matius 25:32

Sininna bangsa lan lino la dipupennolo lako kale-Ku'. Kumane' mpangduai ngenanna susi to tomangrewa mpasisarak bembala' na beke.

Matius 25:41

Mangkai joo too kukuamo lako to to jio sa'de kairing-Ku' kumua, ‘Ee, kamu' to ditampakki ropu, palai kamu' ntee! Mentama kamu' api naraka dukku te'da cappa'na, to dipasadianmo Ballisi' sola tuu lako malaeka'na.

Matius 3:12

Ia joo tau wa'ding dipangpasusii mesa' tau to sitoe ta'pian la nta'pii pangtambakkana. Ia to resa' malapuh narempun melo lan pa'pak, apa ia to malangkona la nasumpun lan api to dukku tarruh.”

Lukas 3:17

Ia joo tau wa'ding dipangpasusii mesa' tau to sitoe ta'pian la nta'pii pangtambakkana. Ia to resa' malapuh, narempun melo lan pa'pak, apa ia to malangkona la nasumpun lan api dukku tarruh.”

Yahya 15:6

Ia to tote'da namemmesa' sola Aku', la dica'bean lako salean, namerrangko susi rangko anggoro' to disembangngi. Ia joo rangko dirempun nadisumpun.

1 Korintus 4:5

Iamo joo danggi' mimadoi' bang mpasala tau kumua tokasalan, ba'tu ntongananni kumua tomelo, sanga te'dapa nadete'i wattunna. Tajanni karatuan-Na pole' Puang, sanga Ia la nnarrangngi to apa membuni. Ia too la mpapajanni to akkattana tolino to nabunianan lan penawanna. Ia joo wattu mane'ri napuji Puang Allataala to tau, to tosipato' dipuji.

1 Timotius 5:24

Den tau pajan bangmo to dosana dikita moi te'dapa nadiparessa, na ia to tau laen diparessapi namane' diissen to dosana.