Matius 13:3 - Alkitab Duri

³ Buda apa naajaranni Puang Isa mpake pangpasusian. Mpamulami curitan-Na nakua, “Den mesa' pangdusung male nnamboh banne.

Matius 13:3 ပူးပေါင်းရင်းမြစ်များ

Matius 13:4

Ia tonna ambohmi, den to ta'pah do' lalan, naratu to manuk-manuk ncappu'ii.

Matius 13:53

Ia tonna mangkamo Puang Isa ncurita ngasanni joo pangpasusian, nasalaimi joo ngenan,

Matius 22:1

Mpatarruhhi curitan-Na Puang Isa lako tuu lako kapala imang, to-Farisi na pekaamberan to-Yahudi mpake pangpasusian nakua,

Matius 24:32

Mpatarruhhi kadan-Na Puang Isa nakua, “Ala kamu' pangpasusian jio mai garonto' kaju ara. Ianna macikki' na malutte'mo to ringena, na mengkacocokmo, miissenmi kumua cingga'tu'mora napealloan.

Markus 12:1

Mpatarruhmi kadan-Na Puang Isa lako kapala imang, guru agama sola pekaamberan to-Yahudi mpake pangpasusian nakua, “Den mesa' tau ntananni anggoro' bara'bahna. Narompoi mengguririkkina, nakali kalo'bong pangparran anggoro', nakabua' too korang la dinii mangngampa. Mangkai joo too, napangpenduluanmi joo bara'bah anggoro' lako ba'tu pira-pira tomendulu, anna male lako tondok laen.

Markus 12:12

Ia tonna sa'dingmi pekaamberan to-Yahudi joo pangpasusian napau Puang Isa, naissen kumua, ia napapatui joo kadan-Na. Iamo joo napangngattaimi la njokkoi to Puang Isa apa malaja'i lako tobuda. Iamo joo napada male mpemboko'i.

Markus 3:23

Natambaimi Puang Isa tee tobuda, nacuritanmi pangpasusian nakua, “Umbo nakua, la wa'dingraka to Ballisi' ba'tu puanggawana setang nnula'i padanna setang?

Markus 4:13

Nakuamo Puang Isa, “Ia ke te'da mipahangngi joo pangpasusian, umbo la mikua mpahangngi to pangpasusian laen?

Markus 4:33

Susimi joo ke mangngajahhii to Puang Isa mpake mangrupa-rupa pangpasusian to napahang tobuda.

Lukas 12:41

Mekutanai Petrus nakua, “Oo Puang, kami'raka tapapatui tuu pangpasusian, iarika sininnaraka tau?”

Lukas 8:10

Nakuamo Puang Isa mebali, “Dibenmo kamu' barakka' la nnissenni to apa tangnaissen tau kumua la ratui Puang Allataala mangparenta susi Raja. Apa ia to tau laen diajahhi mpake pangpasusian, dikua moi napemakitaii, apa te'da nakitai. Moi nada'tan bang mpesa'dingngii, apa te'da napahangngi.”

Yahya 16:25

Mpatarruhhi kadan-Na Puang Isa nakua, “Sininna tee kupauan kamu', kupakean ngasan pangpasusian. Apa la den wattunna nate'damo kupakeanni pangpasusian, apa kupau manassa bangmo lako kamu', mpamanassai to Ambe'.