Matius 13:25 - Alkitab Duri

²⁵ Ia tonna bongimo namamma' ngasanmo to tau, ratumi to ewalinna joo pangdusung nnambohhi todai pare-pare, namale ssalai.

Matius 13:25 ပူးပေါင်းရင်းမြစ်များ

Matius 13:24

Mangcurita pole' omi Puang Isa lako tobuda mpake pangpasusian nakua, “Ianna mangparentamo Puang Allataala susi Raja, wa'ding dipasangrapang pangdusung nnamboh banne melo.

Matius 13:26

Ia tonna sunmo buanna joo pare, pajan todami to pare-pare lan tangnga pare.

Matius 13:27

Ratumi to tomangjamanna nakua, ‘Oo puang, kisanga melo ngasan to banne taamboh. Umbora nakua nagaja buda pare-pare tuo sola joo pareta'?’

Matius 13:29

Mebalimi joo pangdusung nakua, ‘Danggi', nasaba' ia ke direbu'i to pare-pare, la tirebu' todai to pare.

Matius 13:30

Ma'namo napada tuo jolo', sadipepareinna. Undipi kumane' mpangpesuanni lako tomepare narebu'i jolo' to pare-parena, naujunni nadisumpun. Narempun meloi to pare nadipatama pa'pak.’ ”

Matius 13:39

Ia to ewali nnambohhi pare-pare, iamo Ballisi'. Na wattu peparean, iamo ke Kiama'mi lino, na ia to tomepare, iamo sininna malaeka'-Na Puang Allataala.

Matius 25:5

Apa mela'i ratu to tobotting muane, marojami na sileppengan tuu lako ana'dara.

Galatia 2:4

moi naden ba'tu pira-pira tau la mpangpeparukuanni. Puang Isa Almaseh mangka lla'paranki' jio mai atoran agama, apa ia tuu lako tau to sitonganna tangngia padanta' tomatappa' mentama buni tangnga-tangngata' la hhalangngii to kadila'paranta', dikua napukaunan pole'ki' atoran agama.

Ibrani 12:15

Ingaranni danggi' naden moi mesa' tau cia'mo ntarimai to barakka'-Na Puang Allataala. Ingaranni danggi' naden tau susi to waka' mapai' mpaden kamaba'cian lako padanna rupa tau anna situmang-tumang.

1 Petrus 5:8

La sadia kamu', ammimajaga! Nasaba' ia to ewalimmi Ballisi' susi bang singa lumingka male lako male jio mai, namangngaung-ngaung nnangahhi to la nakandena.

2 Petrus 2:1

Ia to wattu pura diboko', den nabi tangtongan mentialla' lan tangnga-tangngana umma'-Na Puang Allataala. Susi toomi tee too den guru tangtongan la mentialla' lan tangnga-tangngami. Ia to pangngajaranna la mpalao sala na ssolangan tau. Mpessakkannii Puang Isa to mangka lla'bakki jio mai kuasa dosa. Iamo joo madoi' la mparatu kamasolangan lako kalena.

Pengkitanna Yahya 12:9

nadipenca'bean tama lino sola sininna malaeka'na. Ia to naga, iamo to ulah tua disanga Ballisi' ba'tu puanggawana setang to mpalao sala sininna tau lan lino.

Pengkitanna Yahya 2:20

Apa den unapa to tangkupumasannang lako kamu'. Mieloran Isebel to baine ssanga kalena nabi mangngajahhi. Ia joo pangngajahna budamo taung-Ku' napalao sala arannai manggauk sala, nakandei to apa mangka dipassompan lako dewata.