Matius 13:24 - Alkitab Duri

²⁴ Mangcurita pole' omi Puang Isa lako tobuda mpake pangpasusian nakua, “Ianna mangparentamo Puang Allataala susi Raja, wa'ding dipasangrapang pangdusung nnamboh banne melo.

Matius 13:24 ပူးပေါင်းရင်းမြစ်များ

Matius 13:19

Ia to banne ta'pah do' lalan dipasangrapangngi to tossa'ding kareba kumua la ratui Puang Allataala mangparenta susi Raja, apa te'da napahangngi. Ratumi to Ballisi' rrampai joo kareba mangkamo nasa'ding.

Matius 13:25

Ia tonna bongimo namamma' ngasanmo to tau, ratumi to ewalinna joo pangdusung nnambohhi todai pare-pare, namale ssalai.

Matius 13:31

Mangcurita omi Puang Isa mpake pangpasusian lako tobuda nakua, “Ianna mangparentamo Puang Allataala susi Raja wa'ding dipasangrapang pangdusung ntanan sanglise' sawi jio bara'bahna.

Matius 13:33

Denpa pangpasusian laen nacurita Puang Isa lako tobuda nakua, “Ianna mangparentamo Puang Allataala susi Raja wa'ding dipasangrapang ragi, naala baine napasigerokki patang pulo litere' ta'pung, anna loboh.”

Matius 13:37

Mebalimi Puang Isa nakua, “Ia to pangngamboh banne melo, Aku' bang unamo, Anak Mentolino.

Matius 13:47

Mangcurita pole' omi Puang Isa lako tobuda mpake pangpasusian nakua, “Ianna mangparentamo Puang Allataala susi Raja, wa'ding dipasangrapang puka to ditanan jiong tasik, na nnala mangrupa-rupa bale.

Matius 18:23

Nasaba' ianna mangparentamo Puang Allataala susi Raja, wa'ding dipasangrapang mesa' raja ssingah kaunanna, nasaba' napaindannii.

Matius 20:1

“Ianna mangparentamo Puang Allataala susi Raja, wa'ding dipasangrapang tomangbara'bah anggoro' melambik male nnangah tokumande gaji la mangjama jio bara'bahna.

Matius 21:33

Mpatarruh omi kadan-Na Puang Isa nakuanni tuu lako kapala imang sola pekaamberan to-Yahudi, “Denpa tee pangpasusian la mipesa'dingngi. Den mesa' ampu bara'bah ntananni anggoro' bara'bahna. Narompoi mengguririkkina, nakali kalo'bong pangparran anggoro', nakabua' too korang la dinii mangngampa. Mangkai joo too, napangpenduluanmi joo bara'bah anggoro' lako ba'tu pira-pira tomendulu, namale lako kampong laen.

Matius 22:2

“Ianna mangparentamo Puang Allataala susi Raja, dipasangrapang raja la mpabotting anakkana muane.

Matius 25:1

Mangkada omi Puang Isa nakua, “Ia ke ratu pole'na' tee Aku', Anak Mentolino, wa'ding dipasangrapang tee curita sangpulo ana'dara mbawa palita male la ntammui tobotting muane.

Matius 3:2

“La mengkatoba' kamu' jio mai dosami, nasaba' cingga'tu'mora naratu Puang Allataala mangparenta susi Raja.”

Matius 4:23

Male bangmi to Puang Isa mpasitarruh-tarruh kampong jio tana Galilea, namangngajahhi lan bola passambajangan, mpangpeissenan Kareba Kasalamatan kumua la ratumi Puang Allataala mangparenta susi Raja, na mpamalagah mangrupa-rupa sakinna tau.

Lukas 13:18

Mekutanai Puang Isa nakua, “Ianna mangparentamo Puang Allataala susi Raja, apara to la dipasirapanganni na apara to la kupapadanni?

Lukas 13:20

Nakuapa Puang Isa, “Ianna mangparentamo Puang Allataala susi Raja, apara to wa'ding kupasirapanganni?

Kolose 1:5

Matappa' kamu' misipakamoja', nasaba' mirannuan to Puang Allataala kumua la naben kamu' to apa napasadianmo kamu' jao suruga, situru' Kareba Kasalamatan to mangka misa'ding jolona. Tongan joo Kareba Kasalamatan,

1 Petrus 1:23

La sipakamoja' kamu', nasaba' pole jio mai kadan-Na Puang Allataala, ammimenjajimo tobaru susi to dijajian pole', to te'da najaji jio mai tolino to la mate, apa dijajian jiora kamu' mai kada to tuo te'da cappa'na.