Matius 13:23 - Alkitab Duri

²³ Na ia to banne ta'pah do' litak malompo dipasangrapangngi to tossa'ding kadan-Na Puang Allataala, napahangngi napugaukki, anna membua melo. Den to manglokkon pessaratuh, den pennannan pulona, na den too to manglokkon pentallung pulo.”

Matius 13:23 ပူးပေါင်းရင်းမြစ်များ

Matius 12:33

Mangngajahhimi Puang Isa nakua, “Ia ke denni kaju melo, melo too buanna. Apa ia ke gaja'i to kaju, gaja' toda ia buanna. Buannara to dinii nnissenni kumua meloraka ba'tu gaja'raka joo garonto' kaju.

Matius 13:8

Apa den too to ta'pah do' litak malompo, anna membua. Den to manglokkon pessaratuh, den pennannan pulona, na den too to manglokkon pentallung pulo.”

Matius 3:10

Sadiamo Puang Allataala la ncalla kamu', susi to garonto' kaju dipasadian wase jiong garonto'na la dita'banganni. Sininna garonto' kaju to te'da namembua melo la dita'bangngi nadica'bean tama api.

Matius 3:8

Iamo joo la mipangpekitan to panggaukan melomi mpamanassai kumua mengkatoba'mo kamu' jio mai dosami!

Markus 10:15

La miingaran tee kada kupauan kamu' kumua, ia to tote'da nasusi pea biccu' ntarimai to kaparentan-Na Puang Allataala, te'da nalamenjaji umma'-Na Puang Allataala.”

Markus 4:20

Na ia to banne ta'pah do' litak malompo dipasangrapangngi to tossa'ding kadan-Na Puang Allataala, namasannang ntarimai napugaukki, anna membua melo. Na den to manglokkon pentallung pulo, den pennannan pulona na den too to manglokkon pessaratuh.”

Lukas 13:9

Mbai namembua ke taun pole'i. Apa ia ke te'dai, wa'dingmiki' mpangpeta'banganni.’ ”

Lukas 8:15

Ia to banne tuo jio litak malompo dipasangrapangngi to tossa'ding kadan-Na Puang Allataala, napallan penawa meloi na maruruh penawanna, namatappa' tarruh sanggenna membua.”

Lukas 8:8

Apa den too to ta'pah do' litak malompo. Maloboranmi, namembua manglokkon pessaratuh.” Ia tonna mangkamo Puang Isa mangngajahhi naandongngimi gamaran-Na nakua, “Ingaranni to apa mangka misa'ding, sanga ketalinga kamu'!”

Yahya 15:16

Tangngia kamu' mpileina', apa Aku'ri mpilei kamu', angkusua kamu' male ammimembua buda, to bua te'da nalamasolang. Na ia to apa mipeta'da lako Ambe' mpau sangang-Ku', la naben kamu'.

Yahya 8:47

Ia to topole jio mai Puang Allataala nakabudai mpesa'dingngi kadan-Na Puang Allataala. Apa ia to kamu' cia' kamu' mpesa'dingngii, sanga te'da mipole jio mai Puang Allataala.”

Jamanna Rasulu' 16:14

Den mesa' pangdangkang kaen ungu jio, disanga Lidia to-Tiatira, to ssompamo Puang Allataala. Ia tonna sa'dingngi to pangngajahna Paulus, napakedoi Puang to penawanna natarimai,

Jamanna Rasulu' 17:11

Ia to to-Yahudi jio kota Berea la'bih melo ia penawanna na ia to to-Yahudi jio kota Tesalonika. Masannang ia ssa'ding karebanna Puang Isa, na allo-allo bang mbaca Sura' Allataala, madoang la nnissenni kumua sicoco'raka pangngajaranna Paulus.

2 Korintus 9:10

Puang Allataala mpasadianni banne to tomangngamboh sola kande la nakande. Susimi joo napasadian kamu' apa to miparalluinna, nabarakka'i to pangpabenganmi anna mangngassele' melo.

Filipi 1:11

na melo tarruh sipa'mi, nasaba' Puang Isa Almaseh, anna dipakala'bih to Puang Allataala.

Filipi 4:17

Te'da kuangah pangpabenganmi, apa iara kuangah kumua na sabuda-budanna barakka' miampa', sanga mitulungna'.

Kolose 1:10

Ianna susimo joo, ia to sipa'mi la situru' pakkaeloran-Na Puang Allataala anna pumasannangngi penawan-Na. Susinna, mipugaukki to mangrupa-rupa kameloan, misannissen-nissennai to Puang Allataala,

Kolose 1:6

to nasa'dingmo tau lan lili'na lino, na mpaden barakka' lako tau. Susi toomo kamu' nabarakka'i sipamulanna misa'ding, ammiperasai tonganni to kameloan penawan-Na Puang Allataala.

1 Tesalonika 4:1

Ee, tomala'bihku' sola ngasan! Mangkamo kamu' kiajahhi matumba sipa'mi anna pusannangngi Puang Allataala. Tongan kumua tuomo kamu' susi joo. Apa ia tee too, kipangngingaran kamu' mpau sangan-Na Puang Isa, ammila'bih mpengkulle-kulleipi tuo susi joo.

2 Tesalonika 2:10

La mpake mangrupa-rupa akkalan gaja' mpalao sala toladisessa. La disessa tuu lako tau, nasaba' te'da nakabudai nacia' ntarimai to pangngajaran tongan jio mai Puang Allataala to mpasalama'i.

Ibrani 4:2

Mangkamo dipangpeissenan joo Kareba Kasalamatan lako kita' susi bang una lako to-Yahudi tonna anu'. Apa te'da bua'na lako kalena, sanga te'da namatappa' tonna sa'dingngi.

Ibrani 6:7

Ia to padang ncuccu' wai uran ke uran oi, na mpaendek assele' tananan makkeguna lako to tonjamai, nabarakka'i Puang Allataala.

Ibrani 8:10

Iamo tee basse la kupaden sola to-Israel to wattu la dioloi lako: la kupallan pikkirisanna to atoran-Ku', na kuuki'i lan penawanna. Aku' Puang Allataala to la nasompa, na ia la kupupenjaji umma'-Ku'.

2 Petrus 3:18

Apa la pena' mperasai kamu' kameloan penawan-Na Puangta' Puang Isa Almaseh, Tomangpasalama'ta', ammisannissen-nissennai. Pakala'bihmi tee too, ratu lako te'da cappa'na! Amin. Sallangki' mati', Petrus,

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.