Matius 13:22 - Alkitab Duri

²² Ia to banne ta'pah lan tangnga duri dipasangrapangngi to tossa'ding kadan-Na Puang Allataala, apa mpuselang bangngi katuoanna, namadoang bang too la sugih. Iamo joo nni'pinnii joo kada lan penawanna, anna te'da namembua.

Matius 13:22 ပူးပေါင်းရင်းမြစ်များ

Kada Bulawan 11:28

Inda-inda to mpattuan ewananna, la macilaka, apa ia to tompugauk pakkaeloran-Na Puang Allataala, la melo katuoanna susi garonto' kaju mengkacocok naloboh.

Kada Bulawan 23:5

Nasaba' cingga'tu'ra nalanynya' to ewanan, butung to kepani' male mentia' susi langkan.

Matius 12:32

Ia ke den tau nnewa kadana' tee Aku', Anak Mentolino, wa'dingpa didampangan, apa ia to toncapa' Roh Allataala, te'damo nawa'ding didampangan, la ia tee too, la jiona ahera'!”

Matius 13:39

Ia to ewali nnambohhi pare-pare, iamo Ballisi'. Na wattu peparean, iamo ke Kiama'mi lino, na ia to tomepare, iamo sininna malaeka'-Na Puang Allataala.

Matius 13:40

Ia to pare-pare dirempun na dipatorro leko' disumpun, susi toomi to menturu' lako Ballisi' la dirempun leko' nadipatama api naraka.

Matius 13:7

Den too to ta'pah lan tangnga duri. Saloboh-lobohnami joo duri, nasirimpihhii joo tananan arannai mate.

Lukas 12:15

Mpatarruhhi kadan-Na Puang Isa lako tobuda ntuu jio nakua, “Majaga kamu', miingaran meloi, danggi' mimadoang nnassang sininna apa lan tee lino. Nasaba' ia to katuoanna tau te'da napole jio mai kasugiran, moi nasugih lallang.”

Lukas 12:21

Susimi joo katuoanna to tau nnangaran kasugiran kalena lan lino, apa situru' Puang Allataala tangngia kasugiran tongan joo.”

Lukas 21:34

Mangkai joo too nakuamo Puang Isa, “Majaga kamu'! Danggi' nakatuoan linomi mandamo minawa-nawa, mangmaroah-roah, iarika mangngiso'-iso' samalangommi, anna te'damo misadia, ke nadete'mi to allo karatuan-Ku' to tangdikalannai,

Lukas 8:14

Ia to banne ta'pah lan tangnga duri dipasangrapangngi to tossa'ding kadan-Na Puang Allataala, apa mpuselangngi katuoanna. Madoang bangri la sugih mpusannang katuoan lan lino, to nni'pinni joo kada lan penawanna, anna te'da namembua melo.

Jamanna Rasulu' 8:18

Ia tonna kitami Simon kumua ia to tau diben Roh Allataala, sanga napalullungngi pala'na rasulu', ta'pa la nabenni doi' to Petrus sola Yahya,

Roma 12:2

Danggi' mikaturu'-turu' bang lako tote'da naissen Puang Allataala. Ake'mo ia na Puang pemeloii to penawammi, ammiwa'ding nnissenni to pakkaeloran-Na, apa to melo na sukku', na apa to nakabudai Puang Allataala.

1 Korintus 1:20

Ia ke susii joo, te'damo bua'na to tomacca, guru agama sola to buda paissenna lan tee lino. Napangpekitanmo Puang Allataala kumua ia to kapaissenanna tolino te'da lalo angga'na.

1 Korintus 2:6

Moi nasusi joo, mpakekan kapaissenanki' ke sipangkadamokan to masaranianmo. Na ia joo kapaissenanki' tangngia kapaissenan naajarankan tolino ba'tu kapaissenan to naampui to tongkuasaii tee lino, sanga la lanynya' joo tongkuasaii.

1 Korintus 2:8

Moi mesa' to tongkuasaii tee lino te'da nnissenni. Sanga ia ke la naissenni, tantu te'damo anna la mpampangngi joo Puang mala'bih jao kaju sitamben.

1 Korintus 3:18

Danggi' lalo naden tau nnuraga kalena. Ianna den tau lan tangnga-tangngami ssanga kalena paissen situru' kapaissenan tolinona, la'biran ke mbangosanni kalena jolo', nawa'ding menjaji topaissen situru' Puang.

2 Korintus 4:4

Ia to Ballisi', to ngkuasaii tee lino, iamo ssamboii tangngahna tuu lako tote'da namatappa', anna te'da nakitai to arrangna Kareba Kasalamatan to napupangngarrang kamala'biran-Na Almaseh to sangrupa bang una Puang Allataala.

Galatia 1:4

Ia to Puang Isa mangka mpangben kalena dibuno situru' pakkaeloran-Na Ambe'ta' Puang Allataala, dikua anna dampanganki' to tomadosa, danggi'mo tatuo susi togaja' lan lino.

Efesus 2:2

Ia joo wattu ia to panggaukanmi susi bang to panggaukanna tolino to tangnturu' Puang, ammituru' Ballisi' jao langi' to mparenta sininna setang. Iamo tatta' ngkuasaii to totangmatappa' lako Puang Allataala.

1 Timotius 6:17

La mupangngingaran to tosugih lan tee lino, danggi' namabangka', danggi' napattuan kalena lako kasugiranna to la cappu', apa la mangpattuan lakori Puang Allataala to la mbenki' sininna taparalluinna antapakei masannang.

2 Timotius 4:10

Nasalaimo' Demas, nasaba' la'bih nakabudaimo ia tee lino, na male lako kota Tesalonika. Male toomi Kreskes lako tana Galatia na Titus lako tana Dalmatia.