Matius 13:21 - Alkitab Duri

²¹ Apa te'da natorro tongan lan penawanna na cingga'tu'ra natangnningaranmi. Ianna ratuimi kamasussan ba'tu kadipakario-rioan, sanga ia joo kada, ta'pa balik pole'mi.

Matius 13:21 ပူးပေါင်းရင်းမြစ်များ

Kada Bulawan 12:12

Ia to togaja' ngkadoangngi assele' jio mai padanna togaja', apa ia to tomakassing mangngassele' melo susi garonto' kaju mabua.

Kada Bulawan 12:3

Ia to tomakassing la mawatang tarruh, susi garonto' kaju mawatang waka'na te'da natiroge, apa ia to togaja' te'da nalamawatang tarruh.

Matius 11:6

Masannang tongan to tau tangmenassan ntarimana'.”

Matius 13:20

Ia to banne ta'pah do' batu-batu dipasangrapangngi to tossa'ding kadan-Na Puang Allataala anna masannang ntarimai.

Matius 13:57

Iamo joo nacia' tuu lako tau ntarimai to Puang Isa. Nakuanni Puang Isa, “Ia to nabi dikasiri' ia umbo-umbo nanii, apa jio kampongna ba'tu jio bolana te'da nadikasiri'.”

Matius 13:6

Apa ia tonna malussumo allo, nala'da'mi allo joo tananan mane' cumucuk. Ta'pa malajumi anna mate, nasaba' te'da namandalan to waka'na.

Matius 24:13

Apa ia to tomatappa' tarruh ratu lako ssalainna lino, iamo la salama'.

Matius 26:31

Mangkai joo too, nakuanmi Puang Isa to anak gurun-Na, “Ia tee bongi la misalaina' sola ngasan. Susi to kadan-Na Puang Allataala diuki' lan Sura' Allataala kumua, ‘La kubunoi to tomangrewana, anna sisarak-sarak to bembala'na.’

Matius 26:33

Mebalimi Petrus nakua, “Oo Puang, moi nasalai ngasanki' titi' mati', te'da kulassalaiki'!”

Markus 4:17

Apa te'da natorro tongan lan penawanna na cingga'tu'ra natangnningaranmi. Ianna ratuimi kamasussan ba'tu dipakario-rioi, sanga ia joo kadan-Na Puang Allataala, ta'pa balik pole'mi.

Lukas 8:13

Ia to banne ta'pah do' batu-batu dipasangrapangngi to tossa'ding kadan-Na Puang Allataala anna masannang ntarimai. Apa te'da natorro tongan lan penawanna. Te'da namasai matappa', nasaba' ianna den pecoba rratui, ta'pa balik pole'mi.

Yahya 6:26

Mebalimi Puang Isa nakua, “La miingaran tee kadang-Ku' kumua, iara miangahna', sanga barahmo kamu' mangka ngkande roti, tangngia nasaba' miissenni apa battuananna joo tanda mejangngaran kupugauk.

Roma 2:7

Ia to toda'tan bang mpugauk kameloan, nakua anna nnampa' kamala'biran, kadipujian na katangmasolangan, la naben Puang Allataala katuoan melo te'da cappa'na.

Galatia 5:6

Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.

Galatia 6:12

Ia to guru tangtongan, madoangri la napakala'bih tau. Naparuku kamu' mpugauk sunna', dikua nadanggi' napakario-rioi to-Yahudi, sanga pangngajaran kaju sitamben-Na Almaseh, battuananna kumua kamatean-Na mandara Almaseh jao kaju sitamben la mpupenjaji tomelo tau.

Galatia 6:15

Nasaba' todisunna' ba'tu totangdisunna' pada te'da naparallu, apa ia to parallu iamo to katuoan baru.

Efesus 3:17

Ia ke susimi joo, mari'pihmi Almaseh lan penawammi, nasaba' matappa' kamu' lako kale-Na. Massambajang toona' kumua moi apa mipugauk, mipugaukki nasaba' pangpakamoja'.

Filipi 1:6

Kukatappa'i kumua, ia to pangjaman melo to napamula Puang Allataala ssullei sipa'mi, la napemangkaii sanggenna ratu pole' Puang Isa Almaseh.

2 Timotius 1:15

Muissen, kumua te'damo napuinawana' to solata' jio tana Asia, moi Figelus sola Hermogenes.

2 Timotius 4:10

Nasalaimo' Demas, nasaba' la'bih nakabudaimo ia tee lino, na male lako kota Tesalonika. Male toomi Kreskes lako tana Galatia na Titus lako tana Dalmatia.

Yakub 3:2

Kita' sola ngasan biasaki' mpugauk mangrupa-rupa kasalan. Apa ia to tote'da bang nasala lan buangan kadanna, iamo tau to te'da caccana, sanga nakulle ia nta'tan kalena.

1 Petrus 1:5

La naben ngasan kamu' joo, nasaba' matappa' kamu' lako Puang Allataala. Jaji, naampai kamu' kuasan-Na Puang Allataala, ammitarima kasalamatan to sadiamo la naben kamu' ke Kiama'mi lino.

Pengkitanna Yahya 2:13

Kuissen to minii mari'pih, iamo to nanii mangparenta Ballisi'. Matappa' tonganmo kamu' lako Aku'. Susinna tonna dibuno tomatappa'-Ku' Antipas jio olomi to nanii Ballisi' torro, anna te'da mipessakkannina' kumua tangngiana' Puangmi.