Matius 13:19 - Alkitab Duri

¹⁹ Ia to banne ta'pah do' lalan dipasangrapangngi to tossa'ding kareba kumua la ratui Puang Allataala mangparenta susi Raja, apa te'da napahangngi. Ratumi to Ballisi' rrampai joo kareba mangkamo nasa'ding.

Matius 13:19 ပူးပေါင်းရင်းမြစ်များ

Kada Bulawan 1:7

Ia ke madoangki' nnampui kapaissenan, ia to kaminang parallu iamo to ngkalaja'- ngkasiri' Puang Allataala, apa ia to tobango' ncapa' kamaccan sola pangpangngajah.

Kada Bulawan 17:16

Te'da bua'na to tobattuk mpura-pura doi'na nnangah kamaccan, nasaba' tangmelo pangpikkirisanna.

Matius 12:26

Susi toomi to kaparentanna puanggawana setang. Ia ke puanggawana setang nnula'i setang laen, battuananna sirarii pada setang, manassa la madoi' lanynya' joo kaparentanna.

Matius 13:20

Ia to banne ta'pah do' batu-batu dipasangrapangngi to tossa'ding kadan-Na Puang Allataala anna masannang ntarimai.

Matius 13:38

Ia to uma dipangpasusii lino. Banne melo dipangpasusii tomenjajimo umma'-Na Puang Allataala. Na ia to pare-pare dipangpasusii tonturu' Ballisi'.

Matius 4:23

Male bangmi to Puang Isa mpasitarruh-tarruh kampong jio tana Galilea, namangngajahhi lan bola passambajangan, mpangpeissenan Kareba Kasalamatan kumua la ratumi Puang Allataala mangparenta susi Raja, na mpamalagah mangrupa-rupa sakinna tau.

Matius 5:37

Danggi' mimangkada totosik, apa la mikua ‘io’ ke tonganni, ‘te'da’ ke tangtonganni. Ia ke mangngakuko mpake sapah, pole jio ngasan mai Ballisi'.”

Markus 4:15

Ia to banne ta'pah do' lalan dipasangrapangngi to tossa'ding kadan-Na Puang Allataala. Mangka manda nasa'ding joo kada, nata'pa ratu to Ballisi' rrampai joo kada mangka nasa'ding.

Lukas 10:9

Pamalagahhi to tomasaki lan joo kota, mipangpeissenanni kumua, cingga'tu'mora naratu Puang Allataala mangparenta susi Raja.

Lukas 9:2

Nasuami sola ngasan male mpangpeissenanni kumua la ratumi Puang Allataala mangparenta susi Raja, nasua tooi male mpamalagah tomasaki.

Yahya 18:38

Mekutana pole'i Gubernur Pilatus nakua, “Apara joo musanga katonganan?” Mangkai joo too messun pole' omi Gubernur Pilatus, namangkada lako to-Yahudi nakua, “Moi mesa' kasalan-Na te'da kuampa'.

Yahya 8:43

Manassa iamo nate'da mipahangngi to buangan kadang-Ku', nasaba' cia' kamu' mpesa'dingngi pangngajaran-Ku'.

Jamanna Rasulu' 17:32

Ia tonna sa'dingmi tau tee kadanna Paulus, denni to mpetawaii, nasaba' te'da nakatappa'i kumua la tuo pole' to tau jio mai kamatean. Den too to kumua, “Madoang unapakan ssa'ding pole'ko mpaui tee.”

Jamanna Rasulu' 18:15

Apa ia tee kasipekkan kadara sola sanga na atoranmi kamu'! Jaji kamu' bangmo ssipangkadaii. Te'da kulambicarai to apa susi tee.”

Jamanna Rasulu' 20:25

Mangkamo kamu' kusikitan sola ngasan kuajahhi kamu' ammimenjaji taun-Na Puang Allataala lan kaparentan-Na. La miissen kumua tampakkata'mo tee sikita.

Jamanna Rasulu' 28:23

Mpattantumi mesa' allo sola Paulus nanii la sitammu. Ia joo allo buda tau ratu lako to nanii Paulus. Mellao melambi' ratu lako soloh allo naajahhi ngasan to tau umbo nakua menjaji taun-Na Puang Allataala lan kaparentan-Na. Napabuttii jio mai sura'na Nabi Musa na sura'na nabi laen kumua Raja Mangpasalama' to Puang Isa, to napau Puang Allataala tonna anu'.

Roma 1:28

Napupangngelohnai Puang Allataala to tolino mangpikkiri' gaja', anna pugaukki to tangsipato'na, nasaba' nasangai kumua te'damo naparallu nnissen Puang Allataala.

Roma 14:17

Ia ke Puang Allataala ngkuasai to katuoanna tau, tangngia dikandena ba'tu diiso'na to parallu, apa iara to kasikalinoan pole' Puang Allataala, mpugauk pakkaeloran-Na, na kamasannangan to nabenni Roh Allataala.

Roma 2:8

Apa ia to tompangnginawan mesa bang kalena, na te'da namadoang mpugauk pakkaeloran-Na Puang Allataala, na nturu'ra kagajatan, liwa' nakaba'cinna Puang Allataala.

Efesus 3:8

Aku'mo mase-masena to sininna umma'-Na Puang Allataala, apa napabarakkannina' Puang Allataala tee jaman mpangpeissenan Kareba Kasalamatan lako bangsa tangngia to-Yahudi kumua ia to barakka'-Na Almaseh te'da susinna.

2 Tesalonika 2:12

Napugaukki Puang Allataala susi joo, dikua na sininna tongkabudai mpugauk dosa, na cia' ngkatappa'i pangngajaran tongan, la disessa.

Ibrani 2:1

Mala'bih to Almaseh na ia to malaeka'. Iamo joo nagaja paralluki' nningaranni to pangngajah mangkamo tasa'ding, danggi' nasata'de-ta'dena to kamatapparanta'.

1 Yahya 3:12

Te'da tawa'ding susi Kain nturu' pakkaeloranna Ballisi' arannai mbuno Habel adinna. Ciapari nabunoi Kain to adinna? Nasaba' meloi to panggaukanna adinna, na gaja' ia to panggaukanna Kain.

1 Yahya 5:18

Taissen kumua sininna to napuanakmo Puang Allataala te'damo napugauk tarruh dosa, na te'da toomo nakullei Ballisi' mpugaukki moi apa lako kalena, nasaba' naampaimo Anak Allataala.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.