Matius 12:41 - Alkitab Duri

⁴¹ Ia ke Kiama'mi lino, ia to to-Niniwe la dipatuo pole' sola to tau too allo, la mpasalai, nasaba' mengkatoba' ia to to-Niniwe tonna sa'dingmi to pangngajahna Nabi Yunus. Apa den tau lan tangnga-tangngami tee too to la'bih mala'bihpa na Nabi Yunus! Moi nasusi joo te'dapa mikatappa'ii to kadan-Na.

Matius 12:41 ပူးပေါင်းရင်းမြစ်များ

Yunus 1:2

Nakua, “Ta'pa maleko lako kota lompo Niniwe mupauanni to tau jio kumua la kusolanganni, nasaba' kuissenmo to panggaukanna liwa' gaja'.”

Yunus 3:4

Mentamami kota Nabi Yunus. Ia tonna sangngallomo lumingka mane'ri mparatui to parenta-Na Puang Allataala mpeandongngi gamaranna nakua, “Patangpulomora allona na la disolangan tee kota Niniwe.”

Matius 12:39

Mebalimi Puang Isa nakua, “Takkaliwa' gaja' natangmatappa' tee tau too allo. Napeta'dai kumua la kupakitanpi tanda mejangngaran, namane' la ngkatappa'ina'. Apa ia manda tanda la dipakitanni susi to apa jaji lako Nabi Yunus.

Matius 12:42

Na ia ke Kiama'mi lino, ia to raja baine lo' mai pollo'na wai la dipatuo pole' sola to tau too allo la mpasalai. Nasaba' ia joo raja baine mambela naola ratu la mpesa'dingngi pangngajahna Raja Sulaiman to mandalan tangngah. Apa denni lan tangnga-tangngami tee too to la'bih mala'bihpa na Raja Sulaiman!”

Matius 12:45

Malemi ntambai pitu setang laenna to la'bih masa'ga' pole' opa na ia. Napentamaimi joo tau, natorro lan. Mangkatampakanna la'bih masussa pole' opa joo tau na ia tonna jolona. Susi toomi joo to la jaji lako to togaja' to tuo tee wattu.”

Matius 12:6

La miingaran melo kumua, la'bina' Aku' na ia to Bola Puang Allataala.

Matius 16:4

Takkaliwa' gaja' natangmatappa' tee tau too allo! Napeta'dai kumua la kupakitanpi tanda mejangngaran, namane' la ngkatappa'ina'. Apa ia manda tanda la dipakitanni susi to apa jaji lako Nabi Yunus.” Ia tonna mangkamo Puang Isa mangkada susi joo, malemi ssalai joo tobuda.

Matius 17:17

Mebalimi nakua, “Takkaliwa' ngasan kamu' tee! Tangmatappa' sola sala lalan to tau too allo! Piranpara masainna la kunii torro, to la minii mpa'dikki penawang-Ku'. Bawai mai tuu pea.”

Matius 23:36

La miingaran tee kadang-Ku' kumua, ia to tau too allo la dipabalahhi sininna panggaukan gaja'na tojolona!”

Lukas 11:32

Na ia ke Kiama'mi lino, ia to to-Niniwe la dipatuo pole' sola to tau too allo la mpasalai, nasaba' mengkatoba' ia to to-Niniwe tonna sa'dingmi to pangngajahna Nabi Yunus. Apa denni lan tangnga-tangngami tee too to la'bih mala'bihpa na Nabi Yunus! Moi nasusi joo te'dapa mikatappa'ii to kadan-Na.”

Yahya 3:31

Ia to Puang Isa, iamo to pole jao mai suruga, najaonanni ngasan to sininna apa. Ia to topole jio mai lino, direken ia tolino, namangkada tolino too. Apa Puang Isa pole jao mai suruga, najaonanni to sininna apa.

Yahya 4:12

Ia tee bubun natawankan tojoloki' Yakub tonna anu'. Na moi ia wai lan toda mai ntee bubun naiso' sola anakkana na patuoanna. Tasangaraka la'bih majaoki' na ia joo tojoloki' Yakub?”

Roma 2:27

Ia to totangdisunna' la mpasala kamu' to-Yahudi, nasaba' todisunna' kamu' na den atoran agamammi, apa te'da mipugaukki. Na ia to bangsa tangngia to-Yahudi te'da nadisunna', apa naturu' tonganni.

Ibrani 11:7

Napugaukki Nabi Nuh to apa nasuanni Puang Allataala, sanga matappa'i. Napauanni Puang Allataala apa to la jaji to te'dapa nakitai. Mengkaturu'i Nabi Nuh lako Puang Allataala anna kabua' mesa' kappala' dikua napasalama'i sintong repokkona. Susimi joo tonna disessamo to tolino, apa ia to Nabi Nuh napupenjaji tomelo Puang Allataala, sanga matappa'i.