Matius 12:18 - Alkitab Duri

¹⁸ “Iamo tee to pesuro-Ku' kupilei. Iamo tee kupakamoja', to mpamasannangna'. La kuben kapakullean pole jio mai Roh-Ku' Napangpeissenanni to parenta-Ku' lako sininna bangsa.

Matius 12:18 ပူးပေါင်းရင်းမြစ်များ

Matius 12:17

Iamo namangkada susi joo dikua najaji to kadan-Na Puang Allataala mpaui, to pura napau Nabi Yesaya tonna anu' kumua,

Matius 17:5

Ia tonna mangkada unapa Petrus, ratumi to saleu' macorrang mbombonnii sola ngasan na den gamara nasa'ding lan mai nakua, “Iamo tee to Anak kupakamoja' to mpamasannangna'. Pesa'dingngii!”

Markus 1:11

Nadisa'ding to gamaran-Na Puang Allataala nakua, “Ikomo Anak-Ku' to kupakamoja', to mpamasannangna'.”

Markus 9:7

Ia joo wattu ratumi to saleu' mbombonnii sola ngasan, na den gamara nasa'ding lan mai saleu' nakua, “Iamo tee to Anak kupakamoja'. Pesa'dingngii.”

Lukas 23:35

Sike'deran to tau ntuu jio mengkita, na ia to pekaamberan to-Yahudi ncapa'-capa'i Puang Isa nakua, “Mangkamo Ia mpasalama' tau laen. Ia ke tonganni napilei Puang Allataala menjaji Raja Mangpasalama', nampasalama' kalena tee too!”

Lukas 3:22

namellao to Roh Allataala jao mai mangrupa jangan-jangan nta'paii. Namane' den gamaran-Na Puang Allataala disa'ding nakua, “Ikomo Anak-Ku' to kupakamoja', to mpamasannangna'.”

Lukas 4:18

“Nakuasaina' Roh Allataala, nasaba' naangka'mo' la mpangpeissenan Kareba Kasalamatan lako tokaasi-asi. Nasuamo' mpangpeissenan kadila'paran lako toditarungku, mpapakita tobuta, lla'paran todipandasa.

Lukas 9:35

Denmi gamara nasa'ding lan mai saleu' nakua, “Iamo tee to Anak kupilei. Pesa'dingngii!”

Yahya 3:34

nasaba' Puang Isa nasua Puang Allataala mpangpeissenan kadan-Na, napangben pissenmo Puang Allataala to Roh Allataala lako Puang Isa.

Jamanna Rasulu' 10:38

Miissenmo kumua ia joo Puang Isa to-Nazaret mangkamo napilei Puang Allataala, naben tooi Roh Allataala sola kuasa. Miissen toomo kumua tuli malei mpugauk kameloan umbo-umbo nanii, na nnula'i setang lan mai kalena tonatamai, nasaba' Puang Allataala ssolanni.

Jamanna Rasulu' 11:18

Mangkanna nasa'ding joo, napahangmi. Mpakala'bihmira Puang Allataala nakua, “Ianna susi joo, moi pale' bangsa tangngia to-Yahudi natarima toomi Puang Allataala, ke mengkatoba'i jio mai dosana, anna benni katuoan melo te'da cappa'na.”

Jamanna Rasulu' 14:27

Ia tonna ratumo lako, nasuai nasirempun to jamaa jio kota Antiokhia. Nacuritan ngasanni matumbai Puang Allataala ntulungngi nawa'ding njama jamanna. Nacuritan tooi matumbai Puang Allataala ntulungngi anna ia to bangsa tangngia to-Yahudi memmatappa' lako Puang Isa.

Efesus 1:6

Pakala'bihhi Puang Allataala, nasaba' pangpakamoja'-Na to te'da susinna. Manassa to pangpakamoja'-Na, nasaba' nabenmiki' Anak to napakamoja'.

Kolose 1:1

Ee, tomala'bihku' sola ngasan, tomatappa' na tonturu' Almaseh jio kota Kolose! Aku' Paulus sola padanta' tomatappa' Timotius ngkiringan kamu' tee sura'. Napileina' Puang Allataala situru' pakkaeloran-Na menjaji rasulu'-Na Puang Isa Almaseh. Dennaa upa' nabarakka'i kamu' Ambe'ta' Puang Allataala, naben kamu' kamasannangan

Kolose 1:13

Ia toomo mangka lla'paranki' jio mai kuasanna Ballisi' napupenjajimiki' taun-Na lan kaparentan-Na Anak to nakamasei.

1 Petrus 2:4

Ia to Puang Isa dipasirapang batu ariri petuo. Ia joo batu naca'beanmo tolino, nasaba' nasangai te'da bua'na. Apa ia ke Puang Allataala, nasanga kaminang makeangga'. Memmesa' penawa kamu' sola Puang,

2 Petrus 1:17

Nasaba' ia tonna lan unapa lino Puang Isa, den pissen kisola jao buntu, angkikitai to kamala'biran-Na sola kamatongkoan-Na to nabenni Ambe' Puang Allataala. Ia joo wattu den gamaran-Na Tomakuasa kisa'ding kumua, “Iamo tee to Anak kupakamoja' to mpamasannangna'.”