Matius 12:10 - Alkitab Duri

¹⁰ Den mesa' tau to mate sangbali limanna ntuu jio. Ba'tu pira-pira tau, to la nnangah bang kasalanna Puang Isa anna wa'ding mparapa'i, mekutana lako Puang Isa nakua, “Ianna situru' atoran agamanta', wa'dingraka mpamalagah tomasaki ke Allo Katorroan?”

Matius 12:10 ပူးပေါင်းရင်းမြစ်များ

Matius 12:2

Nakitami to-Farisi napasalai to Puang Isa nakuanni, “Kitari to anak gurun-Ta'! Ciapari na te'da naturu'i to atoran agamanta', anna pugaukki to dipemalian dipugauk ke Allo Katorroan?”

Matius 19:3

Ratumi to ba'tu pira-pira to-Farisi madoang la ssede Puang Isa namekutana nakua, “Situru' atoran agamanta', wa'dingraka to tau ssarak bainena, nasaba' mangrupa-rupa passabatan?”

Markus 3:2

Na den too tau laen jio to madoang bang nnangah kasalanna Puang Isa anna wa'ding mparapa'i. Jaji, napesa' tarruhhi kumua ba'tu la mpamalagahhi tau ke Allo Katorroanni.

Lukas 11:54

dikua ba'tu dennai nasala kada to Puang Isa napasalai.

Lukas 13:14

Mabirihmi joo kapala bola passambajangan, nasaba' napamaruruhhi Puang Isa joo tobukku' na Allo Katorroan. Iamo joo namangkada lako tau nakua, “Den annan allona dinii mangjama, allo-allo iapa joo minii ratu ammidipakaruruh ba'tu dipamalagah, danggi' anna Allo Katorroan!”

Lukas 20:22

Iamo joo la mekutanakan kumua, ‘Ianna situru' atoran agamanta', wa'dingriki'ka mbajah sima lako Tomaraja Roma, ba'tu te'daraka?’ ”

Lukas 23:14

Nakuanni, “Ia tee tau mibawa lako kaleku', misanga kumua nnajahhi sala tau. Na mangkamo kuparessa jio olomi, apa moi mesa' te'da kagajatan kuampa' napugauk la nnewa tomangparenta susi to miparapasanni.

Lukas 23:2

Ntuu jio nanii mparapa'i. Nakua mangkada, “Kiampa'i tee tau mpatuju sala bangsata'. Nnajahhi tau cia' mbajah sima lako Tomaraja Roma, nasaba' nakua, iamo Raja Mangpasalama', battuananna nakua kumua iamo Rajaki'.”

Yahya 5:10

Iamo joo na ia to pekaamberan to-Yahudi ngkuanni joo to te'damo nakupi', “Allo Katorroan tee allo, te'da muwa'ding mpassan ampahmu.”

Yahya 5:3

Buda tomasessa simammasan jio ntuu joo lalan, susinna tomasaki, tobuta, tokeppang na tokupi'. [Pada ntajanni umbo wattu na tigonggang joo wai jiong kollang.

Yahya 7:23

ammikua danggi' mitengkai atoranna Nabi Musa. Ia ke susii joo ciapari mikagallina', ke mpamalagahna' mesa' tau ke Allo Katorroan?

Yahya 8:6

Naanggai' mekutana susi joo la ncobai to Puang Isa dikua nawa'ding mpasalai. Apa cukku bangngi Puang Isa, na mpangngukiran jarin-Na do' litak.

Yahya 9:16

Ba'tu pira-pira to to-Farisi mangkada nakua, “Tangngia topole jio mai Puang Allataala joo, nasaba' te'da naturu'i to atoran Allo Katorroan.” Nakua to laenna, “Te'da ia to tomadosa la mpugauk tanda mejangngaran susi joo.” Susimi joo sipekkami to to-Farisi.