Matius 11:6 - Alkitab Duri

⁶ Masannang tongan to tau tangmenassan ntarimana'.”

Matius 11:6 ပူးပေါင်းရင်းမြစ်များ

Matius 13:21

Apa te'da natorro tongan lan penawanna na cingga'tu'ra natangnningaranmi. Ianna ratuimi kamasussan ba'tu kadipakario-rioan, sanga ia joo kada, ta'pa balik pole'mi.

Matius 18:7

Na liwa' macilakanna to tolino, to tompalao sala padanna rupa tau. La den bang ia to tomangpalao sala, apa macilaka to tau susi joo.

Matius 24:10

Ia joo wattu buda tau la balik mentangmatappa', na la mpangpejokkoan solana na sikaba'ci too.

Matius 26:31

Mangkai joo too, nakuanmi Puang Isa to anak gurun-Na, “Ia tee bongi la misalaina' sola ngasan. Susi to kadan-Na Puang Allataala diuki' lan Sura' Allataala kumua, ‘La kubunoi to tomangrewana, anna sisarak-sarak to bembala'na.’

Matius 5:29

Jaji ianna mata kananmi ntumang kamu' mipugauk dosa, cukke'i, ammica'beanni! La'biran, ke tangsukku'i to batang kalemi, na ia ke sukku'i, apa dipatama kamu' naraka.

Markus 6:3

Tangpande bolaraka Ia, na anakkana Maryam? Na ia to sile'tona iamo to Yakub, Yoses, Yudas na Simon. Na torro lan too ntee kotata' to sile'to-Na baine.” Iamo joo nacia' tuu lako tau ntarimai to Puang Isa.

Lukas 2:34

Nabarakka'imi Simeon sola tallu, namangkada lako Maryam indona joo pea nakua, “Napileimo Puang Allataala tee pea la ssabu'i sola la mpasalama' buda to-Israel. Iamo la menjaji tanda jio mai Puang Allataala to la naewa buda tau,

Lukas 7:23

Masannang tongan to tau tangmenassan ntarimana'.”

Yahya 16:1

Kupauan ngasanmo kamu' joo, anna danggi' mika'tu rannu ammitangmatappa' pole'.

Yahya 6:66

Mammula joo wattu buda tau mboko'i pole'i, na cia'mo nturu'i.

1 Korintus 2:14

Ia to tote'da naampui Roh Allataala, te'da natarimai to apa naajaranni Roh Allataala, nasaba' nasangari ia curita tangtongan. Te'da nakullei mpahangngi apa to naajaranni Roh Allataala, sanga iapi napahangngi ke denni Roh Allataala lan kalena joo tau mpapahangngii.

Galatia 5:11

Ee, tokupusile'to! Ia tee aku', ke kupangngajaran unapi kumua la disunna' to tau, ciapai nakaba'ci unapa' to-Yahudi? Ia ke susii joo, ia to kaju sitamben te'damo namenjaji katitumbukan, battuananna te'damo naparallu dipangngajaran kumua ia to kamatean-Na Puang Isa jao kaju sitamben, la mpupenjaji tomelo tau.

1 Petrus 2:8

Na “Iamo joo batu nanii titodo tau na buda tau nalolinan.” Titodoi tuu lako tau, nasaba' cia'i ngkatappa'ii to kadan-Na Puang Allataala. Susimi joo to pura napattantu Puang Allataala lako kalena.