Matius 11:5 - Alkitab Duri

⁵ Pakitamo to tobuta, lumingkamo to tokupi', dipamalagahmo to tomasolak, pasa'dingmo to tomataru, dipatuomo to tomate, na dipangpeissenanmo to Kareba Kasalamatan lako tomakario-rio.

Matius 11:5 ပူးပေါင်းရင်းမြစ်များ

Matius 10:8

Pamalagahhi to tomasaki sola tomasolak, patuoi to tomate, ula'ii to setang. Ia tee diben bangra kamu', iamo joo la mipangben bang todari.

Matius 11:4

Mebalimi Puang Isa nakua, “Polemo kamu' mipauanni gurummi apa to misa'ding sola mikita.

Matius 12:13

Mangkai joo too nakuamo Puang Isa lako joo tomate sangbali limanna, “E'te'i tuu limammu!” Nae'te'mi, namelomo susi to lima sangbalinna.

Matius 21:14

Denmi tobuta sola tokupi' male lako rante Bola Puang Allataala mpessitammui Puang Isa, napapakitai to tobuta napalumingkai to tokupi'.

Matius 5:3

“Masannang to tau nnissenan kalena kumua tangpakulle na lako manda Puang Allataala nanii sande', nasaba' ia to tau susi joo umma'-Na Puang Allataala.

Matius 9:30

Pakitami sola dua. Napakainga'mi Puang Isa kumua, “Danggi' lalo naden tau mipauan joo apa jaji.”

Markus 7:37

Jangngah ngasan to tossa'dingngi joo apa mangka jaji. Nakua, “Makassing ngasan ia to napugauk, tomataru napupasa'ding, na tomamang napupangkada.”

Markus 9:25

Ia joo wattu nakitami Puang Isa kumua sabuda-budannami tau sirempun, nagarra'i Puang Isa joo setang nakua, “Ee setang mamang sola mataru, messunko lan mai tee pea, danggi'mo mutamai pole'i.”

Lukas 4:18

“Nakuasaina' Roh Allataala, nasaba' naangka'mo' la mpangpeissenan Kareba Kasalamatan lako tokaasi-asi. Nasuamo' mpangpeissenan kadila'paran lako toditarungku, mpapakita tobuta, lla'paran todipandasa.

Yahya 10:25

Mebalii Puang Isa nakua, “Mangkamo kamu' kupauan, micia' matappa'. Ia to panggaukan kupugauk mpake kuasan-Na Ambe'-Ku', iamo mpamanassana'.

Yahya 10:38

Apa ia ke kupugaukmi joo jaman nasuanna', micia' ngkatappa'ina', ia bangmo joo jaman kupugauk mikatappa'i kumua jaman pole jio mai Puang Allataala. Na ia minii mpahang tonganni kumua Ambe' memmesa' sola Aku', na Aku' memmesa' sola Ambe'.”

Yahya 2:23

Jao unapi kota Yerusalem Puang Isa tonna pangramean Paskah, na buda tau matappa' lako kale-Na, sanga nakitai to tanda mejangngaran napugauk.

Yahya 3:2

Ratu bongii lako Puang Isa nakua ngkuanni, “Ee Guru! Kiissen kumua nasuaki' Puang Allataala ratu menjaji guru, nasaba' moi mesa' tau te'da ngkullei mpugauk tanda mejangngaran susi to tapugauk, ke te'da na Puang Allataala mpakuasai.”

Yahya 5:36

Apa den ia la'bih matonggo ntongananna' na ia to kadanna Nabi Yahya. Iamo to jaman napangparentan Ambe' lako Aku' la kumangkai, ia toomo ssa'bii kumua Ambe'-Ku' to ssuana'.

Yahya 9:7

Mangkai joo too nakuanmi, “Malemoko mendau' jiong kollang Siloam.” (Siloam, battuananna disua.) Malemi mendau', na ia tonna polemo, pakitami.

Jamanna Rasulu' 2:22

Mpatarruhmi kadanna Petrus nakua, “Ee, tokupusile'to to-Israel! Pesa'dingngii tee kadangku'. Ia joo Puang Isa to-Nazaret mangkamo napilei naangka'i Puang Allataala menjaji Raja Mangpasalama' lako kalemi. Manassa joo, nasaba' nabenmo kuasa mpugauk tanda mejangngaran na tanda to te'da susinna lan tangnga-tangngami susi to miissenmo kamu'.

Yakub 2:5

Ee, tomala'bihku' to kupakamoja'! Ingaranni tee, ia to tokaasi-asi lan tee lino, napilei Puang Allataala la menjaji tosugih lan kamatapparan. Napilei too la menjaji umma'-Na lan kaparentan-Na. Susimi joo mangka nabasse lako ia to tompakamoja'i.