Matius 11:23 - Alkitab Duri

²³ Na kamu' to-Kapernaum! Misangaraka la dipamatande kamu' ratu de' langi'? Te'da! Apa la dipembuangan kamu' do' ngenan kaminang majiong! Nasaba' ia kenna la ia tee tanda mejangngaran to mangka dipugauk lan tangnga-tangngami dipugauk lo' kota Sodom, la denpa ia ratu lako too allo.

Matius 11:23 ပူးပေါင်းရင်းမြစ်များ

Matius 10:15

Ingaranni! Ia ke Kiama'mi lino, la'bih nasessai Puang Allataala to tau lan joo kota na ia to to-Sodom na to-Gomora.”

Matius 16:18

Iamo joo, kusangai tooko Petrus, battuananna batu mawatang. Susi batu ariri dinii mpake'deh bola namawatang, susi toomi kusuako la mpemawatangngi tomatappa' lako Aku' na moi kamatean te'da nalantaloii.

Matius 17:24

Ia tonna ratumo re' Kapernaum Puang Isa sola anak gurun-Na, ratumi to ba'tu pira-pira tomangrempun sima la dipatama Bola Puang Allataala namekutana lako Petrus nakua, “Nabajah unaraka gurummu to sima dipatama Bola Puang Allataala?”

Matius 4:13

Nasalaimi to kota Nazaret, namellele lako kota Kapernaum jio randan Tasik Galilea, tana Zebulon sola Naftali.

Matius 8:5

Ia tonna malemo tama kota Kapernaum to Puang Isa, ratumi mesa' to komandan surudadu Roma mengkamalah-malah,

Lukas 10:15

Na kamu' to-Kapernaum! Misangaraka la dipamatande kamu' ratu de' langi'? Te'da! Apa la dipembuangan kamu' do' ngenan kaminang majiong!”

Lukas 14:11

Nasaba' ia to tompamajao kalena la dipamajiong, apa ia to tompamajiong kalena la dipamajao.”

Lukas 16:23

Ia tonna lanmo lino tomate, liwa' maparri'na, nakita mambelami to Nabi Ibrahim sola Lazarus jio sa'dena.

Lukas 4:23

Mangkadami Puang Isa nakua, “Tantu den kamu' la mikua lako Aku' mpake sambenan kada susi tee, ‘Ee, tomangjampi! Pamalagahhi kalemu.’ Battuananna: ia ke tonganko nabi, la mupugauk tooi ntee kampongmu to tanda mejangngaran kisa'ding mupugauk jio kota Kapernaum.”

Jamanna Rasulu' 2:27

Nasaba' te'da taeloranna' torro lan lino tomate, na te'da too taeloran batang kaleku' la buruk lan lamunan, sanga Aku'mo kaunan-Ta' to mangka tapilei.

Jamanna Rasulu' 2:31

Iamo joo napau joloi Raja Daud kumua ia to Raja Mangpasalama' la tuo pole'. Nakua, ‘Te'da nadieloran torro lan lino tomate, na te'da too nalaburuk to batang kale-Na lan lamunan.’

Yudas 1:7

Ingaran tooi to tau torro jio kota Sodom na Gomora, sola tau jio kota mengguririkkina, napugauk todai susi to napugauk joo malaeka'. Ia tuu lako tau manggauk sala, nakabudai sigauk sala padanna muane ba'tu padanna baine, anna rabunnii Puang Allataala joo kota nakandei api sola to tau torro lan. Ia joo pangsessa susi joo menjaji pangpakainga' lako sininna tau, sanga susii to sessana api naraka dukku te'da cappa'na.

Pengkitanna Yahya 1:18

Aku'mo to tuo! Mangkamo' mate, apa tuo pole'mo' te'da cappa'na. Ngkuasaina' kamatean sola lino tomate.

Pengkitanna Yahya 11:8

Na ia to batang rabukkuna situlambenan jio lalan tonggona kota to dinii mpampang Puangna. Ia joo kota situru' pahang agama disanga too Sodom ba'tu Mesir.

Pengkitanna Yahya 20:13

Anna pasun ngasanmi tasik to tosabu' mate lan. Na ia to Kamatean sola Lino Tomate mpangben too tomatena. Na ia tuu lako tomate dira'tah kara-karana situru' panggaukanna.

Pengkitanna Yahya 6:8

Ta'pa ngkita omo' mesa' nyarang susi punti matasak to bulunna. Ia to tossakeii disanga Kamatean, na Lino Tomate undi bang jio boko'na. Dieloran mbunoi sangtawa a'pa'na tolino mpake kasirarian, karorian, ra'ba beang na olok-olok masia'.